«2020 жылғы 1 шілдеден бастап 2021 жылғы 1 шілдеге дейінгі аралықта жануарлар дүниесі объектілерін алып қою лимиттерін бекіту туралы» Қазақстан Республикасы Экология, геология және табиғи ресурстар министрінің 2020 жылғы 5 маусымдағы № 133 бұйрығы (2020.17.09. берілген өзгерістермен)

2020 жылғы 1 шілдеден бастап 2021 жылғы 1 шілдеге дейінгі аралықта жануарлар дүниесі объектілерін алып қою лимиттерін бекіту туралы

Қазақстан Республикасы Экология, геология және табиғи ресурстар министрінің 2020 жылғы 5 маусымдағы № 133 бұйрығы

(2020.17.09. берілген өзгерістермен)

«Жануарлар дүниесін қорғау, өсімін молайту және пайдалану туралы» 2004 жылғы 9 шілдедегі Қазақстан Республикасы Заңының 9-бабы 1-тармағының 55) тармақшасына сәйкес, БҰЙЫРАМЫН:

1. Мыналар:

1) осы бұйрыққа 1-қосымшаға сәйкес балық және басқа да су жануарларын қоспағанда, жануарлар дүниесі объектілерін 2020 жылғы 1 шілдеден бастап 2021 жылғы 1 шілдеге дейінгі аралықта алып қою лимиттері;

2) осы бұйрыққа 2-қосымшаға сәйкес балық шаруашылығы су айдындарында балық және басқа су жануарларын 2020 жылғы 1 шілдеден бастап 2021 жылғы 1 шілдеге дейінгі аралықта аулаудың лимиттері бекітілсін.

2. Қазақстан Республикасы Экология, геология және табиғи ресурстар министрлігінің Орман шаруашылығы және жануарлар дүниесі комитеті заңнамада белгіленген тәртіппен:

1) осы бұйрықтың Қазақстан Республикасы Әділет министрлігінде мемлекеттік тіркелуін;

2) осы бұйрық ресми жарияланғаннан кейін оның Қазақстан Республикасы Экология, геология және табиғи ресурстар министрлігінің интернет-ресурсында орналастырылуын;

3) осы бұйрық мемлекеттік тіркелгеннен кейін он жұмыс күн ішінде Қазақстан Республикасы Экология, геология және табиғи ресурстар министрлігінің Заң қызметі департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтердің ұсынылуын қамтамасыз етсін.

3. Осы бұйрықтың орындалуын бақылау жетекшілік ететін Қазақстан Республикасының Экология, геология және табиғи ресурстар вице-министріне жүктелсін.

4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

ҚР Экология, геология және табиғи ресурстар министрінің 2020.17.09. № 224 бұйрығымен лимиттері жаңа редакцияда (бұр.ред.қара)

Қазақстан Республикасының