Қазақстан Республикасының Үкіметі мен Қырғыз Республикасының Үкіметі арасындағы Қазақстан Республикасының «Қарасу – автожол» және Қырғыз Республикасының «Ақ-Тілек – автожол» өткізу пункттері арасында жаңа көпір салу және қолданыстағы көпірді реконструкциялау бойынша бірлескен іс-қимылдар туралы келісім (Бішкек қ., 2019 жылғы 27 қарашада)

Қазақстан Республикасының Үкіметі мен Қырғыз Республикасының Үкіметі арасындағы

Қазақстан Республикасының «Қарасу - автожол» және Қырғыз Республикасының

«Ақ-Тілек - автожол» өткізу пункттері арасында жаңа көпір салу және қолданыстағы

көпірді реконструкциялау бойынша бірлескен іс-қимылдар туралы

 КЕЛІСІМ

(Бішкек қ., 2019 жылғы 27 қарашада)

ҚР Үкіметінің 2020 жылғы 12 мамырдағы № 285 Қаулысымен бекітілді

2020 жылғы 11 қыркүйекте күшіне енді

Бұдан әрі Тараптар деп аталатын Қазақстан Республикасының Үкіметі мен Қырғыз Республикасының Үкіметі

екі мемлекеттің өңірлері арасында өзара алмасулар және сауда-экономикалық байланыстар үшін қолайлы жағдайлар жасау мақсатында

жыл бойы сенімді және тұрақты қатынасты қамтамасыз ету және дамыту қажеттілігін негізге ала отырып,

Қазақстан Республикасының «Қарасу - автожол» және Қырғыз Республикасының «Ақ-Тілек - автожол» өткізу пункттері арасындағы автожол көпірлерін жобалау, салу, реконструкциялау, пайдалану және оны күтіп-ұстау жөніндегі бірлескен іс-қимылдар туралы шешімді іске асыруға ниет білдіре отырып,

төмендегілер туралы келісті:

1-бап

Осы Келісімде «көпірлер» термині Қазақстан Республикасының «Қарасу - автожол» және Қырғыз Республикасының «Ақ-Тілек - автожол» өткізу пункттері арасындағы шекаралық Шу өзенінің арнасы арқылы өтетін автожол көпірлері (бұдан әрі - көпірлер) деп түсініледі.

2-бап

Осы Келісімді іске асыру жөніндегі қызметті үйлестіруді Тараптардың уәкілетті органдары:

Қазақстан тарапынан - Қазақстан Республикасы Индустрия және инфрақұрылымдық даму министрлігі;

Қырғыз тарапынан - Қырғыз Республикасы Көлік және жолдар министрлігі жүзеге асырады.

Өздерінің уәкілетті органдары өзгерген жағдайда Тараптар бірін-бірі дипломатиялық арналар арқылы дереу хабардар етеді.

3-бап

Көпірлерді жобалауға, салуға, реконструкциялауға пайдалануға және оған қызмет көрсетуге жауапты ұйымдар:

Қазақстан тарапынан - Қазақстан Республикасы Индустрия және инфрақұрылымдық даму министрлігінің Автомобиль жолдары комитеті;