«Бес жылдық кезеңге арналған әлеуметтік-экономикалық даму болжамының әлеуметтік сала көрсеткіштерін болжау әдістемесін бекіту туралы» Қазақстан Республикасы Еңбек және халықты әлеуметтік қорғау министрінің 2021 жылғы 30 маусымдағы № 232 бұйрығы

Бес жылдық кезеңге арналған әлеуметтік-экономикалық даму болжамының әлеуметтік сала көрсеткіштерін болжау әдістемесін бекіту туралы
Қазақстан Республикасы Еңбек және халықты әлеуметтік қорғау министрінің 2021 жылғы 30 маусымдағы № 232 бұйрығы

«Құқықтық актілер туралы» Қазақстан Республикасы Заңының 56-бабының 2-тармағына, Қазақстан Республикасы Президенті Әкімшілігі Мемлекеттік басқару бөлімінің меңгерушісі Ә.А. Ахметовтің төрағалығыменен өткен 2021 жылғы 26 сәуірдегі №21-64-18.3 Бюджет процесінің реинжинирингіне қатысты хаттаманың 7-тармағын орындау үшін БҰЙЫРАМЫН:

1. Қоса беріліп отырған Бес жылдық кезеңге арналған әлеуметтік-экономикалық даму болжамының әлеуметтік сала көрсеткіштерін болжау әдістемесі бекітілсін.

2. Стратегиялық жоспарлау және талдау департаменті осы бұйрықты Қазақстан Республикасы Еңбек және халықты әлеуметтік қорғау министрлігінің интернет-ресурсында орналастыруды қамтамасыз етсін.

3. Осы бұйрықтың орындалуын бақылау Қазақстан Республикасының Еңбек және халықты әлеуметтік қорғау бірінші вице-министрі А.Ә. Сарбасовқа жүктелсін.

4. Осы бұйрық қол қойылған күнінен бастап күшіне енеді.

Қазақстан Республикасы

Еңбек және халықты әлеуметтік

қорғау министрінің

2021 жылғы 30 маусымдағы

№ 232 бұйрығымен бекітілді

Бес жылдық кезеңге арналған әлеуметтік-экономикалық даму болжамының әлеуметтік сала көрсеткіштерін болжау

әдістемесі

1-тарау. Жалпы ережелер

1. Осы Бес жылдық кезеңге арналған әлеуметтік-экономикалық даму болжамының әлеуметтік сала көрсеткіштерін болжау әдістемесі  (бұдан әрі – Әдістеме) бес жылдық кезеңге арналған болжамды көрсеткіштерді қалыптастыру үшін әзірленді және мемлекеттің әлеуметтік-экономикалық саясатын іске асыру құралы ретінде қолданылады.