(СТАРАЯ РЕДАКЦИЯ) «ЭЛЕКТРОНДЫҚ САЛЫҚ ТӨЛЕУШІ РЕТІНДЕ ТІРКЕУ ЕСЕБІ» МЕМЛ...

Осы редакция 2016 жылғы 27 қаңтарда енгізілген өзгерістеріне дейін қолданылды

Қазақстан Республикасы

Қаржы министрінің

2015 жылғы 27 сәуірдегі

№ 284 бұйрығына

7-қосымша

«Мұнай өнімдерінің жекелеген түрлерін өндірушілерге(импорттаушыларға), сондай-ақ акцизделетін өнімдердің кейбір
түрлерін, авиациялық отын мен мазут өндірушілер мен импорттаушылардың тауарларына дербес

 сәйкестендіру нөмірін (ДСН-код) беру»

 мемлекеттік көрсетілетін қызмет стандарты

1. Жалпы ережелер

1. «Мұнай өнімдерінің жекелеген түрлерін өндірушілерге (импорттаушыларға), сондай-ақ акцизделетін өнімдердің кейбір түрлерін, авиациялық отын мен мазут өндірушілер мен импорттаушылардың тауарларына дербес сәйкестендіру нөмірін (ДСН-код) беру» мемлекеттік көрсетілетін қызметі (бұдан әрі - мемлекеттік көрсетілетін қызмет).

2. Мемлекеттік көрсетілетін қызмет стандартын Қазақстан Республикасы Қаржы министрлігі (бұдан әрі - Министрлік) әзірледі.

3. Мемлекеттік қызметті Министрліктің Мемлекеттік кірістер комитетінің облыстар, Астана және Алматы қалалары бойынша аумақтық органдары (бұдан әрі - көрсетілетін қызметті беруші) көрсетеді.

Өтініштерді қабылдауды және мемлекеттік қызметті көрсету нәтижесін беруді:

1) көрсетілетін қызметті беруші «Есепке алу-бақылау таңбаларын голографиялық қорғау элементтерін пайдаланып, алкоголь өнімінің өндірілуін және айналымын бақылау» ақпараттық жүйесі (бұдан әрі - ЕБТ АЖ) немесе «Акцизделетін тауарлар мен жекелеген мұнай өнімдерінің түрлерін өндіру және айналымына бақылау жасау» ақпараттық жүйесі (бұдан әрі - Акциз АЖ) арқылы;

2) Қазақстан Республикасы Инвестициялар және даму министрлігінәі «Халыққа қызмет көрсету орталығы» шаруашылық жүргізу құқығындағы республикалық мемлекеттік кәсіпорны (бұдан әрі - ХҚКО) арқылы жүзеге асырады.

2. Мемлекеттік қызметті көрсету тәртібі

4. Мемлекеттік қызметті көрсету мерзімдері:

1) этил спиртіне және (немесе) алкоголь өнімдеріне (сырадан басқа) ДСН-кодын беру - көрсетілетін қызметті алушы құжаттарды берген күнінен бастап күнтізбелік 10 (он) күн ішінде;