Кәсіптік стандарт: «Кардиохирургия (ересектер, балалар)» (Қазақстан Республикасы Денсаулық сақтау министрінің 2024 жылғы 25 қаңтардағы № 46 бұйрыққа 13-қосымша)

Қазақстан Республикасы

Денсаулық сақтау министрінің

2024 жылғы 25 қаңтардағы

№ 46 бұйрыққа

13-қосымша

Кәсіптік стандарт: «Кардиохирургия (ересектер, балалар)»


1-ші тарау. Жалпы ережелер

1. Кәсіптік стандарттың қолданылу аясы: Кәсіби стандарт біліктілікті, дайындықты бағалау, аттестаттау, сертификаттау және растау үшін негіз ретінде қолданылады және денсаулық сақтау саласының мамандандырулары және пайдаланушылардың кең ауқымы пайдалануға арналған:

1) қызметкерлер-саладағы мамандыққа қойылатын талаптарды түсіну, өз біліктілігін арттыруды және мансаптық ілгерілеуді жоспарлау үшін;

2) жұмыс берушілер-жұмыскерлерге қойылатын пайдаланылатын талаптарды, нұсқаулықтарды, міндеттерді әзірлеу, жалдау кезінде өлшемшарттарды қалыптастыру үшін кадрларды аттестаттау, сондай-ақ кадрлардың біліктілігін арттыру, дамыту, ілгерілету және ротациялау бағдарламаларын жасау;

3) қызметті жүзеге асыратын ұйымдар (органдар) сертификаттау және біліктілік беру бойынша-персоналды сертификаттау кезінде бағалау материалдарын әзірлеу және сәйкестік деңгейі бойынша қызметкерлердің біліктілік критерийлерін әзірлеу үшін;

4) мемлекеттік органдар - еңбек нарығын мониторингілеу және болжау үшін өлшемшарттар ретінде кәсіби стандартты пайдалану үшін.

2. Осы кәсіптік стандартта мынадай терминдер, анықтамалар мен қысқартулар қолданылады:

1) Бейінді маман - жоғары медициналық білімі, денсаулық сақтау саласында сертификаты бар медицина қызметкері;

2) Денсаулық сақтау саласындағы уәкілетті орган (бұдан әрі - уәкілетті орган) - Қазақстан Республикасы азаматтарының денсаулығын сақтау, медицина және фармацевтика ғылымы, медициналық және фармацевтикалық білім беру, халықтың санитариялық-эпидемиологиялық саламаттылығы, дәрілік заттар мен медициналық бұйымдардың айналысы, медициналық қызметтер (көмек) көрсетудің сапасы саласында басшылықты және салааралық үйлестіруді жүзеге асыратын орталық атқарушы орган;

3) Клиникалық хаттама - пациенттің белгілі бір ауруы немесе жай-күйі кезіндегі профилактика, диагностика, емдеу, медициналық оңалту және паллиативтік медициналық көмек бойынша ғылыми дәлелденген ұсынымдар;