Жұмыстар мен жұмысшы кәсіптерінің бірыңғай тарифтік-біліктілік анықтамалығы (13-шығарылым) (Қазақстан Республикасы Еңбек және халықты әлеуметтік қорғау министрінің 2017 жылғы 4 шілдедегі № 191 бұйрығына 3-қосымша)

Қазақстан Республикасы

Еңбек және халықты

әлеуметтік қорғау министрінің

2017 жылғы 4 шілдедегі

№ 191 бұйрығына

3-қосымша

Жұмыстар мен жұмысшы кәсіптерінің бірыңғай тарифтік-біліктілік анықтамалығы

(13-шығарылым)

1-тарау. Кіріспе

1. Жұмыстар мен жұмысшы кәсіптерінің бірыңғай тарифтік-біліктілік анықтамалығы (13-шығарылым) (бұдан әрі - БТБА) тиісті разрядтағы жұмысшы кәсіптерінің тарифтік-біліктілік сипаттамаларында бар, оларды орындау күрделілігіне тиісті қаңылтыр-банкі және туб өндірісі бойынша жұмыстарды қамтиды.

2. БТБА Қазақстан Республикасы Еңбек және халықты әлеуметтік қорғау министрлігімен әзірленген.

3. Тарифтік-біліктілік сипаттамалары, ерекше ескертілген жағдайлардан басқа, осы бөлімдерде көрсетілген өндірістер мен жұмыс түрлері бар ұйымдардың меншік нысанына және ұйымдық-құқықтық нысанына қарамастан, олардағы жұмысшылардың жұмыстарын тарификациялаған және біліктілік разрядтарын белгілеген кезде қолданылады.

2-тарау. Қаңылтыр-банкі және туб өндірісінің разрядтары бойынша жұмысшы кәсіптерінің тарифтік-біліктілік сипаттамалары

1-параграф. Алюминий тубтарға арналған дискілерді штампылаушы, 3-разряд

4. Жұмыстар сипаттамасы:

алюминий орамасын тарқатушы құрылғыда тарқатып жазу, алюминийді түзету құрылғысында түзеу, алюминий жолақтарын жаншу станогында жаншу;

табақтарды жолақтарға кесу;

дискілерді қуаты 40 тоннаға дейінгі эксцентрлік автоматты престе кесу.

5. Білуге тиіс:

түрлі үлгідегі престердің құрылымы мен жұмыс принципін;

металдың маркасына қарай штампылау және түзеу әдістері мен дискі бетінің жол берілетін бұдырлығын;

металл ленталары мен жолақтардың мөлшерін;

штампылар мен пайдаланылатын құралдарды орнату, түсіру және бекіту тәсілдерін;

бақылау-өлшеу құралдарының құрылымын, шектеулер мен орналастыруларды;

бұдырлық квалитеттері мен параметрлерін.

2-параграф. Қаңылтыр-банкі жабдығының операторы, 4-разряд

6. Жұмыстар сипаттамасы:

автоматтандырылған жабдықпен жарақтандырылған, пультпен басқарылатын, өнімділігі минутына 350 банкіге дейінгі ағынды желілерде қаңылтыр-банкі өндіру процестерін жүргізу;