«Қазақстан Республикасының жоғары және жоғары оқу орнынан кейінгі білім беру ұйымдарында оқу үшін білім беру гранттарын беру туралы» Қазақстан Республикасы Білім және ғылым министрінің 2020 жылғы 15 тамыздағы № 347 бұйрығы (2021.22.07. берілген өзгерістер мен толықтыруларымен)

Қазақстан Республикасының жоғары және жоғары оқу орнынан кейінгі білім беру ұйымдарында оқу үшін білім беру гранттарын беру туралы
Қазақстан Республикасы Білім және ғылым министрінің 2020 жылғы 15 тамыздағы № 347 бұйрығы

(2021.22.07. берілген өзгерістер мен толықтыруларымен)

Қазақстан Республикасы Үкіметінің 2008 жылғы 23 қаңтардағы № 58 қаулысымен бекітілген «Бакалавр» немесе «магистр» дәрежелері берілетін жоғары немесе жоғары оқу орнынан кейінгі білім алуға ақы төлеу үшін білім беру грантын беру ережелеріне сәйкес БҰЙЫРАМЫН:

1. Осы бұйрыққа қосымшаға сәйкес ұлттық бірыңғай тестілеу сертификаттары балдарының негізінде конкурстық іріктеуден өткен түсушілерге білім беру гранттары берілсін.

2. Қазақстан Республикасы Білім және ғылым министрлігінің «Ұлттық тестілеу орталығы» республикалық мемлекеттік қазыналық кәсіпорны (бұдан әрі - ҰТО) (Д.Н. Смағұлов) білім беру грантын тағайындау туралы электрондық куәліктерді рәсімдесін және мәліметтерді үш жұмыс күні ішінде тиісті жоғары және жоғары оқу орнынан кейінгі білім беру ұйымдарына (бұдан әрі - ЖЖОКБҰ) берсін.