«Қазақстан Республикасы пошталық төлемінің мемлекеттік белгілерінің түрлері мен көлемдерін бекіту және пошта айналымына енгізу туралы» Қазақстан Республикасы Цифрлық даму, инновациялар және аэроғарыш өнеркәсібі министрінің міндетін атқарушының 2020 жылғы 13 тамыздағы № 294/НҚ бұйрығы

Қазақстан Республикасы пошталық төлемінің мемлекеттік белгілерінің түрлері мен көлемдерін бекіту және пошта айналымына енгізу туралы
Қазақстан Республикасы Цифрлық даму, инновациялар және аэроғарыш өнеркәсібі министрінің міндетін атқарушының 2020 жылғы 13 тамыздағы № 294/НҚ бұйрығы

«Пошта туралы» Қазақстан Республикасының 2016 жылғы 9 сәуірдегі Заңының 5-бабы 1-тармағының 4) тармақшасына және 17-бабының 1-тармағына сәйкес, БҰЙЫРАМЫН:

1. Пошта төлемінің мынадай мемлекеттік белгілері бекітілсін және пошта айналымына енгізілсін:

1) Қазақстан Республикасының аумағында пошта айналымына енгізу мерзімі 2020 жылғы 17 тамыздан бастап 10 000 (он мың) дана мөлшерінде «Тышқан жылы» тақырыбындағы «Шығыс жұлдызнамасы» сериясының бір маркадан тұратын пошталық блогы.

Пошта маркасының номиналы - 500 (бес жүз) теңге, перфорациясы жоталы, төрт бояулы офсетті баспа, марканың өлшемі (диаметрі) 40 мм.

2) Қазақстан Республикасының аумағында пошта айналымына енгізу мерзімі 2020 жылғы 25 тамыздан бастап 10 000 (он мың) дана мөлшерінде «Ұмытылмас және мерейтойлық даталар» тақырыбындағы «Қазақстан Республикасының Конституциясына 25 жыл» сериясының пошта маркасы.