Қазақстан Республикасынан Қытай Халық Республикасына астықтың экспорттық партиясына арналған фитосанитариялық талаптар жөніндегі Қытай Халық Республикасының Сапаны қадағалау, инспекция және карантин бас басқармасы мен Қазақстан Республикасының Ауыл шаруашылығы министрлігі арасындағы хаттама (Жоба) (2015 жылғы 11 желтоқсан)

Жоба

Қазақстан Республикасынан Қытай Халық Республикасына астықтың
экспорттық партиясына арналған фитосанитариялық талаптар жөніндегі
Қытай Халық Республикасының Сапаны қадағалау, инспекция және карантин бас басқармасы мен
 Қазақстан Республикасының Ауыл шаруашылығы министрлігі арасындағы
хаттама

ҚР Ауыл шаруашылығы министрінің 2015 жылғы 11 желтоқсандағы № 15-8/1081 бұйрығымен мақұлданды

Бұдан әрі «Тараптар» деп аталатын Қытай Халық Республикасының Сапаны қадағалау, инспекция және карантин бас басқармасы (бұдан әрі «Қытайлық тарап» деп аталатын) мен Қазақстан Республикасы Ауыл шаруашылығы министрлігі (бұдан әрі «Қазақстандық тарап» деп аталатын),

Қазақстан Республикасынан (бұдан әрі «Қазақстан» деп аталатын) Қытай Халық Республикасына (бұдан әрі «Қытай» деп аталатын) немесе Қытай арқылы басқа елдер мен өңірлерге тасымалдау жолымен қазақстандық бидайды қауіпсіз экспорттау мақсатында

және зиянкестердің пайда болуы тәуекелін талдау (ЗПБТТ) нәтижелері негізінде қытайлық ауыл шаруашылығы өнімдерінің қауіпсіздігін және экологияның қауіпсіздігін қамтамасыз ету мақсатында,

пікірлермен алмасу және қазақстандық бидайға қойылатын фитосанитариялық талаптар бойынша консенсусқа қол жеткізу қорытындылары бойынша,

төмендегілер туралы келісті:

1-бап

Экспортталатын қазақстандық бидай тек өңдеуге арналған жаздық бидай астығынан (бұдан әрі «Бидай» деп аталатын) тұрады.

Бидай өсімдіктер карантині саласында қабылданған нормативтік құқықтық актілерге, сондай-ақ осы Хаттамада белгіленген фитосанитариялық талаптарға (бұдан әрі «Талаптар» деп аталатын) сәйкес келуі тиіс.

Қытайға экспортталатын Бидай Қытайдың санитариялық стандарттарына сәйкес келуі тиіс.

2-бап