«Жеке және (немесе) заңды тұлғалардың объектiлердi Ұлттық мәдени игiлiк объектiлерiнiң мемлекеттiк тiзiлiмiне енгiзу туралы қолдаухаттарын қарау» мемлекеттiк көрсетiлетiн қызмет стандарты (Қазақстан Республикасы Мәдениет және спорт министрінің 2015 жылғы 22 сәуірдегі № 146 бұйрығына 3-қосымша) (күші жойылды)

Қазақстан Республикасы

Мәдениет және спорт министрінің

2015 жылғы 22 cәуірдегі № 146 бұйрығына

3-қосымша

ҚР Мәдениет және спорт министрінің 2017.02.03. № 53 бұйрығымен алып тасталды

«Жеке және (немесе) заңды тұлғалардың объектiлердi Ұлттық мәдени игiлiк объектiлерiнiң мемлекеттiк тiзiлiмiне енгiзу туралы қолдаухаттарын қарау»

мемлекеттiк көрсетiлетiн қызмет стандарты

«Жеке және (немесе) заңды тұлғалардың объектiлердi Ұлттық мәдени игiлiк объектiлерiнiң мемлекеттiк тiзiлiмiне енгiзу туралы қолдаухаттарын қарау» мемлекеттік көрсетілетін қызмет регламентін қараңыз

1. Жалпы ережелер

1. «Жеке және (немесе) заңды тұлғалардың объектiлердi Ұлттық мәдени игiлiк объектiлерiнiң мемлекеттiк тiзiлiмiне енгiзу туралы қолдаухаттарын қарау» мемлекеттiк көрсетiлетiн қызметi (бұдан әрi - мемлекеттiк көрсетiлетiн қызмет).

2. Мемлекеттiк көрсетiлетiн қызмет стандартын Қазақстан Республикасы Мәдениет және спорт министрлiгi (бұдан әрi - Министрлiк) әзiрледi.

3. Мемлекеттiк көрсетiлетiн қызмет Министрлiкпен (бұдан әрi - көрсетiлетiн қызметтi берушi) көрсетiледi.

Қолдаухатты қабылдау және мемлекеттік қызмет көрсетудің нәтижесін беру көрсетілетін қызметті берушінің кеңсесі арқылы жүзеге асырылады.

2. Мемлекеттiк қызмет көрсету тәртiбi

4. Мемлекеттiк қызмет көрсету мерзiмi:

1) көрсетiлетiн қызметтi берушiге құжаттар топтамасы тапсырылған кезден бастап - 10 (он) жұмыс күнi;

2) құжаттар топтамасын тапсыру үшiн күтудiң рұқсат берiлетiн ең ұзақ уақыты - 30 (отыз) минут;

3) қызмет көрсетудiң рұқсат берiлетiн ең ұзақ уақыты - 15 (он бес) минут.

5. Мемлекеттiк көрсетiлетiн қызмет нысаны: қағаз түрiнде.

6. Мемлекеттiк көрсетiлетiн қызмет нәтижесi - объектiге айрықша режимдi уақытша беру туралы шешiм.

Мемлекеттiк қызмет көрсетудiң нәтижесiн беру нысаны: қағаз түрiнде.

7. Мемлекеттiк көрсетiлетiн қызмет жеке және заңды тұлғаларға (бұдан әрi - көрсетiлетiн қызметтi алушы) тегiн көрсетiледi.