«Сот сарапшысы біліктілігін беру» мемлекеттік көрсетілетін қызметінің стандарты (Қазақстан Республикасы Әділет министрінің м.а. 2018 жылғы 5 қаңтардағы № 19 бұйрығына 2-қосымша) (күші жойылды)

Қазақстан Республикасы

Әділет министрінің м.а.

2018 жылғы 5 қаңтардағы

№ 19 бұйрығына

2-қосымша

ҚР Әділет министрінің м.а. 2020 жылғы 21 мамырдағы № 43 бұйрығымен күші жойылды

«Сот сарапшысы біліктілігін беру»

мемлекеттік көрсетілетін қызметінің стандарты

1-тарау. Жалпы ережелер

1. «Сот сарапшыларын аттестаттау» мемлекеттік көрсетілетін қызметі (бұдан әрі - мемлекеттік көрсетілетін қызмет).

2. Мемлекеттік көрсетілетін қызмет стандарты Қазақстан Республикасы Әділет министрлігімен әзірленген.

3. Мемлекеттік көрсетілетін қызмет «Қазақстан Республикасы Әділет министрлігінің Сот сараптамалары орталығы» РМҚК-мен (бұдан әрі - көрсетілетін қызметті беруші) көрсетіледі.

Өтінішті қабылдау және мемлекеттік қызметті көрсету нәтижесін беру «электронды үкімет» www.egov.kz веб-порталы (бұдан әрі - портал) арқылы жүзеге асырылады.

2-тарау. Мемлекеттік қызметті көрсетудің тәртібі

4. Мемлекеттік қызметті көрсетудің мерзімі - 15 (он бес) жұмыс күні.

Көрсетілетін қызметті беруші көрсетілетін қызметті алушының құжаттарын алған кезден бастап 2 (екі) жұмыс күні ішінде ұсынылған құжаттардың толықтығын тексереді.

Көрсетілетін қызметті алушымен ұсынылған құжаттардың осы мемлекеттік көрсетілетін қызмет стандартының 9-тармағында көзделген тізбеге сәйкес толық емес және (немесе) мерзімі өткен жағдайларда көрсетілетін қызметті беруші көрсетілген мерзімде өтінішті қарауды тоқтату туралы жазбаша дәлелді бас тарту береді.

5. Мемлекеттік қызметті көрсетудің нысаны: электрондық.

6. Мемлекеттік қызметті көрсету нәтижесі:

1) осы мемлекеттік көрсетілетін қызмет стандартына 1-қосымшаға сәйкес нысан бойынша сот сараптамасының белгілі бір түрін жүргізу құқығына сот сарапшысының біліктілік куәлігі (бұдан әрі - куәлік) не осы стандарттың 10-тармағында белгіленген негіздер бойынша мемлекеттік қызметті көрсетуден бас тарту туралы дәлелді жауап. Куәлік біліктілік емтиханынан оң нәтижемен өткен жағдайда беріледі.