«Павлодар облысы әкімдігінің 2015 жылғы 24 маусымдағы «Білім беру саласындағы мемлекеттік қызмет көрсету регламенттерін бекіту туралы» № 181/6 қаулысына өзгерістер мен толықтыру енгізу туралы» Павлодар облыстық әкімдігінің 2018 жылғы 3 тамыздағы № 273/5 Қаулысы (күші жойылды)

Павлодар облысы әкімдігінің 2015 жылғы 24 маусымдағы «Білім беру саласындағы мемлекеттік қызмет көрсету регламенттерін бекіту туралы» № 181/6 қаулысына өзгерістер мен толықтыру енгізу туралы
Павлодар облыстық әкімдігінің 2018 жылғы 3 тамыздағы № 273/5 Қаулысы

Павлодар облысы әкімдігінің 2020 жылғы 30 қазандағы № 231/5 Қаулысымен күші жойылды

Қазақстан Республикасының 2013 жылғы 15 сәуірдегі «Мемлекеттік көрсетілетін қызметтер туралы» Заңының 16-бабының 3-тармағына сәйкес Павлодар облысының әкімдігі ҚАУЛЫ ЕТЕДІ:

1. Павлодар облысы әкімдігінің 2015 жылғы 24 маусымдағы «Білім беру саласындағы мемлекеттік қызмет көрсету регламенттерін бекіту туралы» № 181/6 қаулысына (Нормативтік құқықтық актілерді мемлекеттік тіркеу тізілімінде № 4581 болып тіркелген, 2015 жылғы 21 шілдеде «Әділет» ақпараттық-құқықтық жүйесінде жарияланған) келесі өзгерістер мен толықтыру енгізілсін:

көрсетілген қаулының 1-тармағы жаңа редакцияда жазылсын:

«1. Қоса берілген мемлекеттік көрсетілетін қызметтер регламенттері бекітілсін:

1) «Қорғаншылық және қамқоршылық жөнінде анықтамалар беру» мемлекеттік көрсетілетін қызмет регламенті;

2) «Жетім балаға (жетім балаларға) және ата-анасының қамқорлығынсыз қалған балаға (балаларға) қамқоршылық немесе қорғаншылық белгілеу» мемлекеттік көрсетілетін қызмет регламенті;

3) «Кәмелетке толмаған балалардың мүлкіне иелік ету және кәмелетке толмаған балаларға мұра ресімдеу үшін анықтамалар беру» мемлекеттік көрсетілетін қызмет регламенті;

4) «Кәмелетке толмаған балаларға меншік құқығында тиесілі мүлікпен жасалатын мәмілелерді ресімдеу үшін қорғаншылық немесе қамқоршылық бойынша функцияларды жүзеге асыратын органдардың анықтамаларын беру» мемлекеттік көрсетілетін қызмет регламенті;

5) «Шалғайдағы ауылдық елді мекендерде тұратын балаларды жалпы білім беру ұйымдарына және кері қарай үйлеріне тегін тасымалдауды ұсыну» мемлекеттік көрсетілетін қызмет регламенті;