«Жітіқара ауданы Степной ауылының 2023-2025 жылдарға арналған бюджеті туралы» Қостанай облысы Жітіқара ауданы мәслихатының 2022 жылғы 30 желтоқсандағы № 242 шешімі

Жітіқара ауданы Степной ауылының 2023-2025 жылдарға арналған бюджеті туралы
Қостанай облысы Жітіқара ауданы мәслихатының 2022 жылғы 30 желтоқсандағы № 242 шешімі

Қазақстан Республикасы Бюджет кодексінің 75-бабы 2-тармағына, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 6-бабы 1-тармағының 1) тармақшасына сәйкес Жітіқара аудандық мәслихаты ШЕШТІ:

1. Степной ауылының 2023-2025 жылдарға арналған бюджеті тиісінше 1, 2 және 3-қосымшаларға сәйкес, оның ішінде 2023 жылға мынадай көлемдерде бекітілсін:

1) кірістер – 27 100,0 мың теңге, оның ішінде:

салықтық түсімдер бойынша – 1 191,0 мың теңге;

салықтық емес түсімдер бойынша – 0,0 мың теңге;

негізгі капиталды сатудан түсетін түсімдер бойынша – 0,0 мың теңге;

трансферттер түсiмi бойынша – 25 909,0 мың теңге;

2) шығындар – 27 100,0 мың теңге;

3) таза бюджеттік кредиттеу – 0,0 мың теңге, оның ішінде:

бюджеттік кредиттер – 0,0 мың теңге;

бюджеттік кредиттерді өтеу – 0,0 мың теңге;

4) қаржы активтерімен операциялар бойынша сальдо – 0,0 мың теңге;

5) бюджет тапшылығы (профициті) – 0,0 мың теңге;

6) бюджет тапшылығын қаржыландыру (профицитін пайдалану) – 0,0 мың теңге.

2. 2023 жылға арналған аудандық бюджеттен Степной ауылының бюджетіне берілетін бюджеттік субвенциялар көлемі 12 390,0 мың теңге сомасында көзделгені ескерілсін.

3. 2023 жылға арналған Степной ауылының бюджетінен аудандық бюджетке бюджеттік алып қоюлар көлемі 0,0 мың теңгені құрайтыны ескерілсін.

4. 2023 жылға арналған Степной ауылының бюджетінде аудандық бюджеттен ағымдағы нысаналы трансферттер көзделгені ескерілсін, оның ішінде:

1) мемлекеттік қызметшілердің еңбегіне жаңа ақы төлеуді енгізуге;

2) кеңселік техниканы сатып алуға;

3) Степной ауылы көшелерінің көше жарығын монтаждауға;

4) Степной ауылының автомобиль жолдарының жұмыс істеуін қамтамасыз етуге;

5) Степной ауылының көшелерін орташа жөндеуге техникалық құжаттаманы әзірлеуге.

5. Кезекті қаржы жылына арналған Степной ауылының бюджетінде секвестрлеуге жатпайтын бюджеттік бағдарламалардың тізбесі белгіленбегені ескерілсін.