«Шығыс Қазақстан облысы Риддер қаласынан 18 км солтүстік-шығысқа қарай орналасқан № 05-083-053 есеп кварталы жер учаскелерінің тұстамасындағы «DRIVEN FORCE company» жауапкершілігі шектеулі серіктестігі сұрап отырған Стрежная өзенінің су қорғау аймақтары мен су қорғау белдеулерін және оларды шаруашылыққа пайдалану режимін белгілеу туралы» Шығыс Қазақстан облысы әкімдігінің 2019 жылғы 11 желтоқсандағы № 434 Қаулысы

Шығыс Қазақстан облысы Риддер қаласынан 18 км солтүстік-шығысқа қарай орналасқан № 05-083-053 есеп кварталы жер учаскелерінің тұстамасындағы «DRIVEN FORCE company» жауапкершілігі шектеулі серіктестігі сұрап отырған Стрежная өзенінің су қорғау аймақтары мен су қорғау белдеулерін және оларды шаруашылыққа пайдалану режимін белгілеу туралы
Шығыс Қазақстан облысы әкімдігінің 2019 жылғы 11 желтоқсандағы № 434 Қаулысы

Қазақстан Республикасының 2003 жылғы 9 шілдедегі Су кодексінің 39, 116, 125, 145-1-баптарына, Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 27-бабы 1-тармағының 8-1) тармақшасына сәйкес, бекітілген жобалық құжаттама негізінде және су объектілерін тиісті санитарлық-гигиеналық және экологиялық талаптарға сәйкес күйде ұстау мақсатында, жер үсті суларының ластануын, қоқыстануы мен сарқылуын болғызбау, сондай-ақ өсімдіктер мен жануарлар дүниесін сақтау үшін, Шығыс Қазақстан облысының әкімдігі ҚАУЛЫ ЕТЕДІ:

1. Мыналар:

1) Шығыс Қазақстан облысы Риддер қаласынан 18 км солтүстік-шығысқа қарай орналасқан № 05-083-053 есеп кварталы жер учаскелерінің тұстамасындағы «DRIVEN FORCE company» жауапкершілігі шектеулі серіктестігі сұрап отырған Стрежная өзенінің су қорғау аймақтары мен су қорғау белдеулері;

2) Қазақстан Республикасының қолданыстағы заңнамасына сәйкес Шығыс Қазақстан облысы Риддер қаласынан 18 км солтүстік-шығысқа қарай орналасқан № 05-083-053 есеп кварталы жер учаскелерінің тұстамасындағы «DRIVEN FORCE company» жауапкершілігі шектеулі серіктестігі сұрап отырған Стрежная өзенінің су қорғау аймақтары аумағында шаруашылыққа пайдаланудың арнайы режимі және су қорғау белдеулері аумағында шектеулі шаруашылық қызметі режимі белгіленсін.