«Он сегіз жасқа дейінгі балаларға мемлекеттік жәрдемақы тағайындау» мемлекеттік көрсетілетін қызметінің регламенті» (Оңтүстік Қазақстан облыстық әкімдігінің 2015 жылғы 29 шілдедегі № 232 қаулысына 6-қосымша) (күші жойылды)

Оңтүстiк Қазақстан облысы әкiмдiгiнiң 2018.02.04. № 90 Қаулысымен мемлекеттік көрсетілетін қызметінің регламенті алып тасталды

Оңтүстік Қазақстан облысы әкімдігінің

2015 жылғы 29 шілдедегі

№ 232 қаулысына

6-қосымша

«Он сегіз жасқа дейінгі балаларға мемлекеттік жәрдемақы тағайындау»

мемлекеттік көрсетілетін қызметінің регламенті

1. Жалпы ережелер

1. «Он сегіз жасқа дейінгі балаларға мемлекеттік жәрдемақы тағайындау» мемлекеттік көрсетілетін қызметін (бұдан әрі мемлекеттік көрсетілетін қызметті) Оңтүстік Қазақстан облысының облыстық маңызы бар аудандар мен қалалардың жұмыспен қамту және әлеуметтік бағдарламалар бөлімдері (бұдан әрі көрсетілетін қызмет беруші) көрсетеді.

Өтініштерді қабылдау және мемлекеттік көрсетілетін қызмет нәтижелерін беру:

1) көрсетілетін қызметті беруші;

2) кент, ауыл, ауылдық округ әкімі (бұдан әрі - ауылдық округ әкімі).

3) халыққа қызмет көрсету орталығы (бұдан әрі - ХҚО) іске асырады.

2. Мемлекеттік көрсетілетін қызметтің нысаны: қағаз түрінде.

3. Мемлекеттік қызметті көрсету нәтижесі: он сегіз жасқа дейінгі балаларға мемлекеттік жәрдемақы тағайындау немесе тағайындаудан бас тарту туралы хабарлама.

2. Мемлекеттік қызмет көрсету процесінде көрсетілетін қызмет берушінің құрылымдық бөлімшелерінің (қызметкерлерінің) іс-қимыл тәртібін сипаттау

4. Мемлекеттік көрсетілетін қызмет бойынша рәсімді (іс-қимылдарды) бастауға көрсетілетін қызметті алушы (не сенімхат бойынша оның өкілі) көрсетілетін қызметті берушіге, ауыл округінің әкіміне немесе Орталыққа Қазақстан Республикасы Денсаулық сақтау және әлеуметтік даму министрінің 2015 жылғы 28 сәуірдегі№ 279 қаулысымен бекітілген «Он сегіз жасқа дейінгі балаларға мемлекеттік жәрдемақы тағайындау» мемлекеттік көрсетілетін қызметі стандартының1-қосымшасына сәйкес нысан бойынша (бұдан әрі-Стандарт) өтінішті тапсыру негіздеме болады;