«Суармалы егістікті суарылмайтын алқап түрлеріне ауыстыруға рұқсат беру» мемлекеттік көрсетілетін қызмет регламенті (Жамбыл облысы әкімдігінің 2015 жылғы 24 сәуірдегі № 69 қаулысымен бекітілген) (күші жойылды)

Жамбыл облысы әкімдігінің 2016 жылғы 4 наурыздағы № 79 Қаулысымен күші жойылды

Жамбыл облысы әкімдігінің

2015 жылғы 24 сәуірдегі

№ 69 қаулысымен бекітілген

«Суармалы егістікті суарылмайтын алқап түрлеріне ауыстыруға рұқсат беру»

мемлекеттік көрсетілетін қызмет регламенті


1. Жалпы ережелер

1. »Суармалы егістікті суарылмайтын алқап түрлеріне ауыстыруға рұқсат беру» мемлекеттік көрсетілетін қызметті (бұдан әрі - мемлекеттік көрсетілетін қызмет) облыстардың жергілікті атқарушы органы (бұдан әрі - көрсетілетін қызметті беруші) көрсетеді.

Өтініштерді қабылдау және мемлекеттік көрсетілетін қызмет нәтижелерін беру:

көрсетілетін қызметті берушінің және (немесе) аудандардың жергілікті органдарының кеңсесі;

www.egov.kz «электрондық үкімет» веб-порталы (бұдан әрі-портал).

2. Мемлекеттік қызметті көрсету нысаны: электронды (жартылай автоматтандырылған) және (немесе) қағаз түрінде.

Мемлекеттік қызмет жеке және заңды тұлғаларға тегін көрсетіледі.

3. Мемлекеттiк қызметті көрсету нәтижесі - суарылатын егiстiктi алқаптардың суарылмайтын түрiне ауыстыруға рұқсат (бұдан әрі - рұқсат) беру туралы көрсетілетін қызметті берушінің қаулысы.

Мемлекеттік қызметті көрсету нәтижесін беру нысаны: электронды.

Порталда мемлекеттік көрсетілген қызмет нәтижесі электронды құжат нысанында, көрсетілген қызмет берушінің уәкілетті тұлғасының электронды цифрлы қолы қойылып (ЭЦҚ) көрсетілген қызметті алушының «жеке кабинетіне» жолданады.

Көрсетілген қызмет алушы мемлекеттік көрсетілген қызметті қағаз түрінде алуға өтініш жасаған жағдайда көрсетілген қызметтің нәтижесі электронды нұсқада әзірлененіп, қағазға басылып шығарылады.

4. Жұмыс кестесі:

1) көрсетілетін қызметті берушінің - Қазақстан Республикасының еңбек заңнамасына сәйкес демалыс және мереке күндерінен басқа, дүйсенбіден бастап жұманы қоса алғанда, сағат 13.00-ден 15.00-ге дейін түскі үзіліспен, сағат 9.00-ден 19.00-ге дейін;

өтініштер қабылдау және мемлекеттік көрсетілген қызмет нәтижелерін беру сағат 13.00-ден бастап 15.00-ге дейін түскі үзіліспен сағат 9.00-ден бастап 19.00-ге дейін;