«Парентералды вирустық гепатиттердің профилактикасы бойынша 2017-2020 жылдарға арналған шараларды іске асыру туралы» Қазақстан Республикасы Денсаулық сақтау министрінің 2017 жылғы 26 қыркүйектегі № 727 бұйрығы (күші жойылды)

Парентералды вирустық гепатиттердің профилактикасы бойынша 2017-2020 жылдарға арналған шараларды іске асыру туралы
Қазақстан Республикасы Денсаулық сақтау министрінің 2017 жылғы 26 қыркүйектегі № 727 бұйрығы

ҚР Денсаулық сақтау министрінің 2019 жылғы 31 қаңтардағы № 30 бұйрығымен күші жойылды

2017-2020 жылдарға арналған парентералды вирустық гепатиттердің профилактикасы, диагностикасы және емдеу мақсатында БҰЙЫРАМЫН:

1. Бекітілсін:

1) қоса беріліп отырған Қазақстан Республикасындағы парентералды вирустық гепатиттердің профилактикасы, диагностикасы, емдеу және салдарларының алдын алу бойынша 2017-2020 жылдарға арналған шараларды іске асыру жол картасы (бұдан әрі - Жол картасы);

2) осы бұйрыққа қосымшаға сәйкес Жол картасының жекелеген іс-шараларын іске асыру жөніндегі нысаналы индикаторлар.

2. Мемлекеттік органдар (келісім бойынша) және орындауға жауапты басқа да ұйымдар (келісім бойынша) Қазақстан Республикасы Денсаулық сақтау министрлігіне жыл сайын 20 желтоқсанға дейін Жол картасын іске асыру туралы ақпаратты ұсынсын.

3. Осы бұйрықтың орындалуын бақылау Қазақстан Республикасының Денсаулық сақтау вице-министрі Л.М. Ақтаеваға жүктелсін.

4. Осы бұйрық қол қойылған күнінен бастап күшіне енеді.

Қазақстан Республикасы

Денсаулық сақтау министрінің

2017 жылғы 26 қыркүйектегі

№ 727 бұйрығымен

бекітілген

Қазақстан Республикасындағы парентералдық вирустық гепатиттердің профилактикасының,
диагностикасының, емдеу мен салдарларының алдын алудың 2017-2020 жылдарға арналған шараларын іске асыру

жол картасы

(кестедегі нөмірлеу түпнұсқаға сәйкес)