Еуразиялық экономикалық одақ шеңберінде бағалы металдармен және асыл тастармен операцияларды жүзеге асыру ерекшеліктері туралы келісім (Мәскеу қ., 2019 жылғы 22 қарашада)

Еуразиялық экономикалық одақ шеңберінде бағалы металдармен

және асыл тастармен операцияларды жүзеге асыру ерекшеліктері туралы

 КЕЛІСІМ

(Мәскеу қ., 2019 жылғы 22 қарашада)

ҚР 2021 жылғы 19 сәуірдегі № 33-VII Заңымен ратификацияланды

2021 ж. 24 мамырда күшіне енді

Бұдан әрі мүше мемлекеттер деп аталатын Еуразиялық экономикалық одаққа мүше мемлекеттер

2014 жылғы 29 мамырдағы Еуразиялық экономикалық одақ туралы шартты негізге ала отырып,

Еуразиялық экономикалық одақтың (бұдан әрі - Одақ) кедендік аумағында бағалы металдар мен асыл тастардың еркін айналысын қамтамасыз ету үшін жағдайлар жасау мақсатында,

мүше мемлекеттерде бағалы металдармен және асыл тастармен операцияларды жүзеге асыру саласында тиімді шараларды әзірлеу мақсатында мүше мемлекеттердің бәсекелестік артықшылықтарын жасауға және олардың өзара іс-қимылына бағдарланған өзара тиімді сауда-экономикалық тетіктерді қалыптастыру мақсатында,

төмендегілер туралы келісті:

1-бап

Осы Келісімнің мақсаттары үшін мыналарды білдіретін ұғымдар пайдаланылады:

«талдау» - бұйым жасалған металдың және оның қорытпасының химиялық құрамын айқындау, оның ішінде осы бұйымның бұзылуын көздейтін әдістерді қолдану жолымен айқындау;

«бағалы металдарды аффинаждау» - бағалы металдың қасиет-құрамын мемлекетаралық стандарттардың және (немесе) мүше мемлекеттердің мемлекеттік (ұлттық) стандарттарының және (немесе) мүше мемлекеттердің аумағында қолданылатын техникалық шарттардың, Лондон бағалы металдар нарығына қатысушылар қауымдастығы (LBMA) және Лондон платина мен палладий нарығына қатысушылар (LPPM) қабылдаған халықаралық сапа стандарттарының техникалық шарттарының талаптарына сәйкес келетін мәндерге дейін жеткізе отырып, алынған бағалы металдарды қоспалардан және ілеспе химиялық элементтерден тазалау процесі;

«асыл тастарды өндіру» - асыл тастарды байырғы, шашыранды және техногендік кен орындарынан алу, сондай-ақ асыл тастарды сұрыптау, бастапқы сыныптау және бастапқы бағалау;