«Қаржы нарығы субъектілерінің жұмыс режимі туралы» Қазақстан Республикасы Ұлттық Банкі төрағасының 2021 жылғы 19 қаңтардағы № 10 және Қазақстан Республикасы Қаржы нарығын реттеу және дамыту агенттігі төрағасының 2021 жылғы 19 қаңтардағы № 21 бірлескен бұйрығы (күші жойылды)

Қаржы нарығы субъектілерінің жұмыс режимі туралы
Қазақстан Республикасы Ұлттық Банкі төрағасының 2021 жылғы 19 қаңтардағы № 10 және Қазақстан Республикасы Қаржы нарығын реттеу және дамыту агенттігі төрағасының 2021 жылғы 19 қаңтардағы № 21 бірлескен бұйрығы

Қазақстан Республикасының Бас мемлекеттік санитариялық дәрігерінің қаулысында көзделген шектеу шараларының және (немесе) іс-шаралардың күші жойылғанға дейін қолданылды

Қазақстан Республикасы азаматтарының өмірі мен денсаулығын қорғау, сондай-ақ Қазақстан Республикасының халқы арасында коронавирустық инфекцияның (COVID-19) таралуын болдырмау мақсатында, БҰЙЫРАМЫЗ:

1. 2021 жылғы 19 қаңтардан бастап:

1) осы бірлескен бұйрыққа 1-қосымшада көрсетілген субъектілер:

қызметтерді онлайн-режимде барынша көрсетуді қамтамасыз етсін;

эпидемиологиялық ахуалды бағалау матрицасына сәйкес мыналарға жататын аймақтарда қызметін жүзеге асыратын субъектілер:

«қызыл» аймаққа - халыққа қызмет көрсеткен кезде күшейтілген санитариялық-дезинфекциялық режим шараларын қатаң сақтаған жағдайда, өндірістік қажеттілік кезінде қашықтан жұмыс істеу нысанына филиалдың (бөлімшенің, пункттің) штат санының кемінде 40% (қырық пайыз) қызметкерлері ауыса алатын филиалдарын (бөлімшелерін, пункттерін) қоспағанда, жалпы штат санының кемінде 60% (алпыс пайыз) қызметкерлерінің қашықтан жұмыс істеу нысанына ауысуын қамтамасыз етсін;

«сары» және «жасыл» аймақтарға - халыққа қызмет көрсеткен кезде күшейтілген санитариялық-дезинфекциялық режим шараларын қатаң сақтаған жағдайда, өндірістік қажеттілік кезінде қашықтан жұмыс істеу нысанына филиалдың (бөлімшенің, пункттің) штат санының кемінде 30% (отыз пайыз) қызметкерлері ауыса алатын филиалдарын (бөлімшелерін, пункттерін) қоспағанда, жалпы штат санының кемінде 50% (елу пайыз) қызметкерлерінің қашықтан жұмыс істеу нысанына ауысуын қамтамасыз етсін;