«ИСО 9001:2015 стандартына сәйкес фармацевтикалық қызмет саласындағы ҚР медициналық және фармацевтикалық бақылау Комитетінің менеджмент жүйесін жетілдіру жобасын ұйымдастыру туралы» Қазақстан Республикасы Денсаулық сақтау министрлігінің Медициналық және фармацевтикалық бақылау комитеті төрағасының міндетін атқарушының 2022 жылғы 20 маусымдағы № 225-НҚ бұйрығы

ИСО 9001:2015 стандартына сәйкес фармацевтикалық қызмет саласындағы ҚР медициналық және фармацевтикалық бақылау Комитетінің менеджмент жүйесін жетілдіру жобасын ұйымдастыру туралы

Қазақстан Республикасы Денсаулық сақтау министрлігінің Медициналық және фармацевтикалық бақылау комитеті төрағасының міндетін атқарушының 2022 жылғы 20 маусымдағы № 225-НҚ бұйрығы

ISO 9001:2015 «Сапа менеджменті жүйелері - Талаптар» стандартына (бұдан әрі - СМЖ) сәйкес менеджмент жүйесінің тиімді жұмыс істеуін қамтамасыз ету мақсатында БҰЙЫРАМЫН:

1. Қазақстан Республикасы Денсаулық сақтау министрлігі Медициналық және фармацевтикалық бақылау комитетінің (бұдан әрі - Комитет) басқару жүйесін дамыту жөніндегі үйлестірушісі болып Комитет фармацевтикалық қызмет саласындағы мемлекеттік көрсетілетін қызметтер басқармасының сарапшысы Сәуле Мурзабаевна Демежанова тағайындалсын.

2. Комитеттің басқару жүйесін дамыту жөніндегі үйлестірушіге мынадай өкілеттіктер жүктелсін:

1) ISO 9001:2015 стандартына сәйкес Комитеттің фармацевтикалық қызмет саласындағы менеджмент жүйесін жетілдіру жобасын іске асыруға қатысты кез келген мәселелерді талқылау үшін қызметкерлермен өзара іс-қимыл жасау;

2) Комитеттің фармацевтикалық қызмет саласындағы басқару жүйесінің жұмыс істеуіне қатысты кез келген ақпарат пен материалдарға қол жеткізуге;

3) ISO 9001:2015 талаптарына сәйкессіздіктер немесе жобаның нәтижелеріне теріс әсер етуі мүмкін мәселелер анықталған жағдайда Комитетінің тиісті құрылымдық бөлімшелердің басшылары алдында оларды жоюға бастамашылық етуге;

4) ISO 9001:2015 стандартына сәйкес Комитеттің фармацевтикалық қызмет саласындағы менеджмент жүйесін жетілдіру жобасының шеңберінде басқару деңгейінде шешім қабылдау қажет болған жағдайда Комитетінің басшылығына хабарлауға.

3. 2022 жылдың желтоқсанына дейін ISO 9001:2015 талаптарына сәйкес келетін Комитеттің фармацевтикалық қызмет саласындағы менеджмент жүйесін енгізуді қамтамасыз ету.

4. Жобаны іске асыруға жалпы жауапкершілік Комитет төрағасының орынбасары Ержанова Сәуле Амантайқызына жүктелсін.