«Қазақстан Республикасындағы жалпы білім беретін мектептердің 9(10) - 11(12) сынып білім алушыларына Кәсіби бағдар беру күнін өткізу тәртібі туралы» Қазақстан Республикасы Білім және ғылым Министрінің 2016 жылғы 24 наурыздағы № 214 бұйрығы

Қазақстан Республикасындағы жалпы білім беретін мектептердің 9(10) - 11(12) сынып білім алушыларына Кәсіби бағдар беру күнін өткізу тәртібі туралы
Қазақстан Республикасы Білім және ғылым Министрінің 2016 жылғы 24 наурыздағы № 214 бұйрығы

Қазақстан Республикасындағы орта білім беруді жаңарту жағдайында республикадағы білім беру ұйымдарының мектеп оқушыларын кәсіп таңдауға дайындау қызметін ретке келтіру, олардың кәсіби бағдарлануына көмек көрсету мақсатында БҰЙЫРАМЫН:

1. Қазақстан Республикасындағы жалпы білім беретін мектептердің 9(10) - 11(12) сынып білім алушыларына Кәсіби бағдар беру күнін өткізудің мынадай тәртібі бекітілсін:

1) өткізу нысаны: 9(10) - 11(12) сынып білім алушыларының ЖОО және колледж өкілдерімен бетпе-бет немесе онлайн режимінде кездесулері. Кездесулер бір немесе бірнеше мектеп білім алушылары үшін өткізіледі;

2) кездесулерді өткізу мерзімі: айына 2 рет (айдың екінші және төртінші сенбісі) 2 академиялық сағат ішінде. Кездесу ұзақтығы: 1 академиялық сағаттан артық емес. ЖОО-лар мен колледждердің, кездесуге қатысушылардың саны шектелмейді;

3) кездесу тәртібі: мектеп әкімшілігі өкілінің кәсіптік бағдар берушімен, мамандықтармен таныстыруы, сұрақ-жауаптар, ақпараттық материалдар тарату;