Кыргыз Республикасынын Жогорку Сотунун 2016-жылдын 13-декабрындагы № ЭД-793/15 мчс 4 токтому

Кыргыз Республикасынын Жогорку Сотунун 2016-жылдын 13-декабрындагы токтому

Иш № ЭД-793/15 мчс 4

Көзөмөл өндүрүшү № 6-455/16 ЭД

Кыргыз Республикасынын Жогорку сотунун административдик жана экономикалык иштер боюнча соттук коллегиясы курамында:

төрагалык кылуучу: Боронбаева Д.С.,

судьялар: Джумашов К.О., Осмоналиев К.Т.,

сот отурумунун катчысы: Абышов Б.,

тараптардан: «Беш-Сары-К» ЖЧКнун өкүлү - Ө.Рыскелдиев (ишеним кат 2016-жылдын 8-июлунан), Жумгал токой чарбасынын өкүлдөрү - Д.Өмүрзаков (ишеним кат 2014-жылдын 8-октябрынан), И.Калыков (ишеним кат 2016-жылдын 6-июнунан), Кыргыз Республикасынын Башкы прокуратурасынын өкүлү - Э.Төрөмаматовдун (ишеним кат 2016-жылдын 19-июлунан) катышуусунда,

ачык соттук отурумда «Беш-Сары-К» жоопкерчилиги чектелген коомунун Чүй облусунун райондор аралык сотунун 2015-жылдын 12-октябрындагы чечимине, Чүй облустук сотунун административдик жана экономикалык иштер боюнча соттук коллегиясынын 2016-жылдын 27-январындагы токтомуна карата келтирилген көзөмөл тартибиндеги даттануусун карап,

Кыргыз Республикасынын Жогорку сотунун судьясынын баяндамасын жана тараптардын пикирлерин угуп,

ТАПТЫ:

Жумгал райондук прокуратурасы мамлекеттин камкордугунда турган токой чарбасынын кызыкчылыгын көздөп сотко доо арыз менен кайрылып, анда «Беш-Сары-К» ЖЧКнан Жумгал токой чарбасынын пайдасына 1273432 сомду өндүрүп берүүнү өтүнгөн.

Доону негиздеп төмөндөгү жагдайларды көрсөткөн.