«Республикалық маңызы бар қалаларды, астананы және олардың агломерацияларын қоспағанда, әлеуметтік маңызы бар жолаушылар тасымалдарын жүзеге асырумен байланысты тасымалдаушылардың шығындарын бюджет қаражаты есебінен субсидиялау қағидаларын бекіту туралы» Қазақстан Республикасы Инвестициялар және даму министрінің м.а. 2015 жылғы 25 тамыздағы № 883 бұйрығы (2025.02.09. берілген өзгерістер мен толықтырулармен)

Республикалық маңызы бар қалаларды, астананы және олардың агломерацияларын қоспағанда, әлеуметтік маңызы бар жолаушылар тасымалдарын жүзеге асырумен байланысты тасымалдаушылардың шығындарын бюджет қаражаты есебінен субсидиялау қағидаларын бекіту туралы
Қазақстан Республикасы Инвестициялар және даму министрінің м.а. 2015 жылғы 25 тамыздағы № 883 бұйрығы

(2025.02.09. берілген өзгерістер мен толықтырулармен)

ҚР Көлік министрінің м.а. 2025.13.08. № 266 бұйрығымен тақырыбы жаңа редакцияда (2025 ж. 2 қыркүйектен бастап қолданысқа енгізілді) (бұр.ред.қара)

ҚР Индустрия және инфрақұрылымдық даму министрінің м.а. 2020.15.05. № 298 бұйрығымен (бұр.ред.қара); ҚР Көлік министрінің м.а. 2024.18.09. № 304 бұйрығымен (2024 ж. 1 қазаннан бастап қолданысқа енгізілді) (бұр.ред.қара); 2024.10.12. № 403 бұйрығымен (2024 ж. 28 желтоқсаннан бастап қолданысқа енгізілді) (бұр.ред.қара) кіріспе жаңа редакцияда

«Автомобиль көлiгi туралы» Қазақстан Республикасы Заңының 13-бабының 23-16) тармақшасына, «Мемлекеттік статистика туралы» Қазақстан Республикасы Заңының 16-бабының 3-тармағының 2) тармақшасына сәйкес және «Мемлекеттік көрсетілетін қызметтер туралы» Қазақстан Республикасы Заңының 10-бабының 1) тармақшасына сәйкес БҰЙЫРАМЫН:

ҚР Көлік министрінің м.а. 2025.13.08. № 266 бұйрығымен 1-тармақ жаңа редакцияда (2025 ж. 2 қыркүйектен бастап қолданысқа енгізілді) (бұр.ред.қара)

1. Қоса беріліп отырған Республикалық маңызы бар қалаларды, астананы және олардың агломерацияларын қоспағанда, әлеуметтік маңызы бар жолаушылар тасымалдарын жүзеге асырумен байланысты тасымалдаушылардың шығындарын бюджет қаражаты есебінен субсидиялау қағидалары бекітілсін.

2. Қазақстан Республикасы Инвестициялар және даму министрлігінің Көлік комитеті (Ә.А. Асавбаев):

1) осы бұйрықтың заңнамада белгіленген тәртіппен Қазақстан Республикасы Әділет министрлігінде мемлекеттік тіркелуін;