«2019 жылғы 9 маусымға тағайындалған Қазақстан Республикасы Президентінің кезектен тыс сайлауында Дания Мәдиқызы Еспаеваны Қазақстан Республикасының Президенттігіне кандидат ретінде тіркеу туралы» Қазақстан Республикасы Орталық сайлау комиссиясының 2019 жылғы 4 мамырдағы № 27/26 Қаулысы

2019 жылғы 9 маусымға тағайындалған Қазақстан Республикасы Президентінің кезектен тыс сайлауында Дания Мәдиқызы Еспаеваны Қазақстан Республикасының Президенттігіне кандидат ретінде тіркеу туралы
Қазақстан Республикасы Орталық сайлау комиссиясының 2019 жылғы 4 мамырдағы № 27/26 Қаулысы

«Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық заңының 12-бабы 8) тармақшасына, 59-бабына сәйкес Қазақстан Республикасы Орталық сайлау комиссиясы ҚАУЛЫ ЕТЕДІ:

1. Дания Мәдиқызы Еспаева Қазақстан Республикасының Президенттігіне кандидат ретінде тіркелсін.

2. Дания Мәдиқызы Еспаеваға Қазақстан Республикасының Президенттігіне кандидаттың куәлігі берілсін.

3. Қазақстан Республикасы Орталық сайлау комиссиясы аппаратының бюджетті жоспарлау және атқару бөлімі «Қазақстан Халық жинақ банкі» акционерлік қоғамына арнаулы уақытша шот ашу үшін Қазақстан Республикасының Президенттігіне кандидат Дания Мәдиқызы Еспаеваның тіркелгені туралы мәліметтерді ұсынсын.