«2022 - 2024 жылдарға арналған Павлодар қалалық бюджеті туралы» Павлодар облысы Павлодар қалалық мәслихатының 2021 жылғы 24 желтоқсандағы № 106/13 шешімі (2022.13.12. берілген өзгерістермен)

2022 - 2024 жылдарға арналған Павлодар қалалық бюджеті туралы
Павлодар облысы Павлодар қалалық мәслихатының 2021 жылғы 24 желтоқсандағы № 106/13 шешімі

(2022.13.12. берілген өзгерістермен)

Қазақстан Республикасының Бюджет кодексінің 75-бабы 2-тармағына, Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6-бабы 1-тармағының 1) тармақшасына сәйкес Павлодар қалалық мәслихаты ШЕШТІ:

Павлодар облысы Павлодар қалалық мәслихатының 2022.14.03. № 119/17 шешімімен (бұр.ред.қара); 2022.26.05. № 137/19 шешімімен (бұр.ред.қара); 2022.28.07. № 153-21 шешімімен (бұр.ред.қара); 2022.28.09. № 169/23 шешімімен (бұр.ред.қара); 2022.16.11. № 178/24 шешімімен (бұр.ред.қара); 2022.13.12. № 188/25 шешімімен (2022 ж. 1 қаңтардан бастап қолданысқа енгізілді) (бұр.ред.қара) 1-тармақ жаңа редакцияда

1. 2022 - 2024 жылдарға арналған Павлодар қалалық бюджеті тиісінше 1, 2 және 3 - қосымшаларға сәйкес, соның ішінде 2022 жылға келесі көлемдерде бекітілсін:

1) кірістер – 190 920 052 мың теңге, соның ішінде:

салықтық түсімдер – 153 763 848 мың теңге;

салықтық емес түсімдер – 2 265 759 мың теңге;

негізгі капиталды сатудан түсетін түсімдер – 17 701 052 мың теңге;

трансферттер түсімі – 17 189 393 мың теңге;

2) шығындар – 184 259 524 мың теңге;

3) таза бюджеттік кредиттеу – - 5 475 мың теңге, соның ішінде:

бюджеттік кредиттер – нөлге тең;

бюджеттік кредиттерді өтеу – 5 475 мың теңге;

4) қаржы активтерімен операциялар бойынша сальдо – 271 435 мың теңге, соның ішінде:

қаржы активтерін сатып алу – 271 572 мың теңге;

мемлекеттің қаржы активтерін сатудан түсетін түсімдер – 137 мың теңге;

5) бюджет тапшылығы (профициті) – 6 394 568 мың теңге;

6) бюджет тапшылығын қаржыландыру (профицитін пайдалану) – - 6 394 568 мың теңге.

2. 2022 жылға арналған Павлодар қалалық бюджетінде облыстық бюджетке 48 031 164 мың теңге сомасында бюджеттік алулар көзделгені ескерілсін.

3. 2022 - 2024 жылдарға арналған Павлодар қалалық бюджетінде кенттің, ауылдық округтің және кейбір ауылдардың бюджеттеріне Павлодар қалалық бюджетінен берілетін субвенциялардың көлемдері көзделсін, соның ішінде: