«Жоғары және жоғары білімнен кейінгі білімі бар мамандарды даярлаудың 2018 - 2019 оқу жылына арналған мемлекеттік білім беру тапсырысын бекіту туралы» Қарағанды облысының әкімдігінің 2018 жылғы 24 шілдедегі № 37/02 Қаулысы (2018.22.08. берілген өзгерістермен)

Жоғары және жоғары білімнен кейінгі білімі бар мамандарды даярлаудың 2018 - 2019 оқу жылына арналған мемлекеттік білім беру тапсырысын бекіту туралы
Қарағанды облысының әкімдігінің 2018 жылғы 24 шілдедегі № 37/02 Қаулысы

(2018.22.08. берілген өзгерістермен)

Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы», 2007 жылғы 27 шілдедегі «Білім туралы» заңдарына сәйкес Қарағанды облысының әкімдігі ҚАУЛЫ ЕТЕДІ:

1. Жоғары және жоғары білімнен кейінгі білімі бар мамандарды даярлаудың 2018-2019 оқу жылына арналған мемлекеттік білім беру тапсырысы осы қаулының 1 және 2-қосымшаларына сәйкес бекітілсін.

2. «Қарағанды облысының білім басқармасы», «Қарағанды облысының денсаулық сақтау басқармасы» мемлекеттік мекемелері осы қаулыдан туындайтын шараларды қабылдасын.

3. Осы қаулының орындалуын бақылау облыс әкімінің жетекшілік ететін орынбасарына жүктелсін.

4. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қарағанды облысы әкімдігінің

2018 жылғы 24 шілдедегі

№ 37/02 қаулысына

1 қосымша

2018-2019 оқу жылы күндізгі оқу нысаны бойынша мамандықтар бөлінісінде жоғары бiлiмдi

мамандарды даярлауға мемлекеттiк бiлiм беру тапсырысы (жергілікті бюджет есебінен)

Бюджеттік бағдарламаның әкімшісі - «Қарағанды облысының білім басқармасы» мемлекеттік мекемесі