Қара металдар мен металл өнімдерін өндіру жөніндегі Қазақ мемлекеттік «Қазболат» мемлекеттік корпорациясы туралы Қазақстан Республикасы Министрлер Кабинетінің 1992 жылғы 23 қарашадағы № 969 қаулысы

Қара металдар мен металл өнiмдерiн өндiру жөніндегі Қазақ мемлекеттік
«Қазболат» мемлекеттік корпорациясы туралы
Қазақстан Республикасы Министрлер Кабинетінің
1992 жылғы 23 қарашадағы № 969 қаулысы

Өтпелi кезеңде металлургия кешенi кәсiпорындары жұмысының тиiмдiлiгiн арттыру мақсатында және республика халық шаруашылығының қара металдар мен металл өнiмдерiне деген қажетiн қамтамасыз етуге зор маңыз бере отырып, Қазақстан Республикасының Министрлер Кабинетi қаулы етедi:

1. Республика қара металлургиясы бiрлестiктерiнiң, кәсiпорындары мен ұйымдарының инициативасы бойынша қара металдар мен металл өнiмдерiн өндiру жөніндегі Қазақ мемлекеттік «Қазболат» мемлекеттік корпорациясының («Қазболат» корпорациясы) құрылуы мақұлдансын.

Корпорация басқармасы Темiртау қаласында, оның өкiлдiгi Алматы қаласында орналасқан болып белгiленсiн.

2. «Қазболат» корпорациясы өзiнiң қызметiн өзiн-өзi басқару негiзiнде жүзеге асыратын, оның құрамына ерiктi негiзде кiретiн бiрлестiктер, кәсiпорындар мен ұйымдар өздерiнiң шаруашылық дербестiгiн және заңды ұйым хұқықтарын сақтайтын болып белгiленсiн.

Корпорацияның дербес балансы және есеп айырысу шоты, Қазақстан Республикасының Мемлекеттік гербi бейнеленген және өзiнiң атауы қазақ, орыс тiлдерiнде жазылған мөрi болады, ол қолданылып жүрген заңдардың, өз Жарғысының, сондай-ақ өзiне корпорацияға қатысушылар табыстаған өкiлеттiктердiң негiзiнде қызмет жасайды және заңды ұйым болып табылады.

3. «Қазболат» корпорациясын басқарудың жоғарғы органы Кеңес болып табылады, ол корпорацияның президентiн сайлайды және корпорация президентінің ұсынуы бойынша вице-президенттi тағайындайды.

4. Қазақстан Республикасының Мемлекеттік мүлiк жөніндегі мемлекеттік комитетiне:

белгiленген тәртiппен Қазақстан Республикасының Өнеркәсiп министрлігіне «Қазболат» корпорациясының құрамына кiретiн кәсiпорындар мен ұйымдардың мүлiгiн иелену, пайдалану және басқару хұқығын табыстау;

Қазақстан Республикасының Өнеркәсiп министрлігімен, «Қазболат» корпорациясымен бiрлесiп, ерiктiлiк негiзiнде меншiк нысаны аралас болатын көп салалы холдинг құру туралы мәселенi қарау ұсынылсын.

5. Қазақстан Республикасының Байланыс министрлігі 1992 жылы «Қазболат» корпорациясына техникалық байланыс құралдарының және телефон мен телефакс байланысы каналдарының бөлiнуiн көздейтiн болсын.

6. «Қазболат» корпорациясының мемлекеттік басқару органдарымен қызметiн үйлестiру Қазақстан Республикасының Өнеркәсiп министрлігіне жүктелсiн.

Қазақстан Республикасының

Премьер-министрi