| ||||||||||||||||||||
|
|
|
"Керамика" ғылыми-өндiрiс бiрлестiгiн ұйымдастыру туралы Қазақстан Техникалық керамика мен металтану саласында ғылыми-техникалық потенциалды сақтау және жұмыстарды дамыту мақсатында Қазақстан Республикасының Министрлер Кабинетi қаулы етедi: 1. Қазақ мемлекеттік қорғаныс кешенi электр-техникалық және машина жасау кәсiпорындары корпорациясының ("КЭМПО" корпорациясы) "Үлбi металлургия зауыты" өндiрiс бiрлестiгiнiң "Жаhұт" ғылыми-зерттеу және жобалау-конструкторлық институтымен Өскемендегi "Керамика" зауыты негiзiнде "КЭМПО" корпорациясы құрамында "Керамика" ғылыми-өндiрiс бiрлестiгiн ұйымдастыру туралы ұсынысы қабылдансын. 2. "Керамика" ғылыми-өндiрiс бiрлестiгi Қазақстан Республикасы Ұлттық банкiсiнiң Теңге сарайын орналастыруға арналған үйлер мен ғимараттарды бiр айлық мерзiмде. "Үлбi металлургия зауыты" өндiрiс бiрлестiгiнiң балансына беретiн болсын. 3. Қазақстан Республикасының Мемлекеттік мүлiк жөніндегі мемлекеттік комитетi "Жаhұт" ғылыми-зерттеу және жобалау-конструкторлық институты мен Өскемендегi "Керамика" зауытының тиiсiнше мемлекеттік мүлкiн иелену, пайдалану және басқару құқығын "КЭМПО" корпорациясының құрамындағы "Керамика" ғылыми-өндiрiс бiрлестiгi мен "Үлбi металлургия зауыты" өндiрiс бiрлестiгiне беретiн және республика Меммүлiккомының осы мәселе бойынша бұрын қабылдаған қаулысына қажеттi өзгерістер енгiзетiн болсын. 4. Қазақстан Республикасы Министрлер Кабинетінің 1992 жылғы 21 шiлдедегi № 617-22 қаулысы 4-тармағының күшi жойылған деп танылсын. Қазақстан Республикасының Премьер-министрi
Доступ к документам и консультации
от ведущих специалистов |