| ||||||||||||||||||||
|
|
|
"Қазгермұнай" бiрлескен кәсiпорны туралы Қазақстан Республикасы Оңтүстiк Торғай ойпаңында орналасқан көмiрлi сутегi кен орнын игеру жөніндегі жұмыстарды жеделдету мақсатында Қазақстан Республикасының Министрлер Кабинетi қаулы етедi: 1. "Оңқазмұнайгаз" өндiрiстiк бiрлестiгiнiң, "ФЕБА ОЙЛ АГ" және "Эрдойл-Эрдгаз Гоммерн ГмбХ" немiс фирмаларының қатысуымен Ақшабұлақ, Нұралы мен Ақсай кен орындарында көмiрлi сутегiнi жете барлау, игеру, өндiру, тасымалдау, экспортқа шығару және өткеру жөніндегі "Қазгермұнай" бiрлескен кәсiпорнын құру туралы республиканың мүдделi министрлiктерiмен және ведомстволарымен келісілген шарт мақұлдансын. "Қазгермұнай" бiрлескен кәсiпорнының құрылтайшы құжаттарының принциптi қағидалары мен шарттары бекітілсiн, атап айтқанда онда: "Қазгермұнай" бiрлескен кәсiпорнына осы кәсiпорынның көмiрлi сутегiсiн кедергiсiз экспортқа шығару, осы шарттың уағдаласқан қағидаларына сәйкес оның қызметiне арналған мүлiктi баж салығынсыз әкелу және әкету құқығын пайдалануға беру; "Қазгермұнай" бiрлескен кәсiпорнының Қазақстан Республикасының банктерiнде корреспонденттiк шоттары бар шет ел банктерiнде шоттар ашуы, Қазақстан Республикасының аумағында және одан тыс жерлерде еркiн айналыстағы валюта операцияларын жүзеге асыруы, сондай-ақ тиiстi республикалық органдардың мұрсатымен бухгалтерлiк есептi, бухгалтерлiк баланстарды, осы бiрлескен кәсiпорынға Қазақстан заңды ұйымдары мен жеке адамдары берiп тұратын қызмет пен материалдар төлемiн еркiн айналыстағы валютамен жүргiзу; "Қазгермұнай" бiрлескен кәсiпорны жұмыс iстейтiн бүкiл мерзiмнiң iшiнде құрылтайшы құжаттарда белгiленген есеп айырысу мен роялти төлемiнiң тәртібін, пайдаға салынатын салықты, қосымша құн салығын және басқа мiндеттi төлемдердi сақтау көзделген. Шарттың талаптарын өзгерту Қазақстан Республикасы мен "Қазгермұнай" бiрлескен кәсiпорнының немiс құрылтайшылары арасындағы жазбаша түрдегi келісімнiң негiзiнде ғана жүргiзiлуi мүмкiн. 2. Қазақстан Республикасының Мемлекеттік мүлiк жөніндегі мемлекеттік комитетi Энергетика және отын ресурстары министрлігімен, "Мұнайгаз" мемлекеттік холдинг компаниясымен, Қаржы министрлігімен, Экономика министрлігімен бiрлесiп, Қазақстан Республикасы Ұлттық банкінің қатысуымен 3 ай мерзiмде Республика "Қазгермұнай" бiрлескен кәсiпорнына беретiн құрылтайшы қарыздың өтелетiн сомасын бюджетке қайтарудың (бiрлескен кәсiпорынды құрудың қарсаңындағы жұмыстар үшiн), осы бiрлескен кәсiпорынның қызметiнен алынатын "Оңқазмұнайгаз" бiрлестiгiнiң (қазақстандық құрылтайшы) пайдасын бөлу мен пайдалану тетiгiн анықтасын, сондай-ақ 1 айлық мерзiмде Байқаушы кеңеске қазақ жағынан мүшелер тағайындасын. Қазақстан Республикасының Энергетика және отын ресурстары министрлігі жасалған қағидаларға сай "Оңқазмұнайгаз" бiрлестiгiмен шарт жасассын. Қазақстан Республикасының Геология және жер қойнауын қорғау министрлігі 4 ай мерзiмде Ақшабұлақ, Нұралы және Ақсай кен орындары бойынша тиiстi геологиялық-техникалық ақпараттарымен бiрге кен орналасқан жерлердi бөлу актiсiн беретiн болсын. 3. Қазақстан Республикасының министрлiктерi мен ведомстволары, Қызылорда облысының әкімі жасалған шарттың шеңберiнде "Қазгермұнай" бiрлескен кәсiпорнын белгiленген тәртiп бойынша лицензиялармен және рұқсаттармен қамтамасыз етсiн, сондай-ақ осы бiрлескен кәсiпорын қызметiнiң ұйымдық мәселелерiн шешуге жәрдемдесетiн болсын. 4. Қазақстан Республикасының Энергетика және отын ресурстары министрлігіне "Қазгермұнай" бiрлескен кәсiпорнымен жұмыс iстеу барысында республика мүддесiн сақталуына бақылауды қамтамасыз ету тапсырылсын. Қазақстан Республикасының Премьер-министрi
Доступ к документам и консультации
от ведущих специалистов |