| ||||||||||||||||||||
|
|
|
«Қазақстан» Мемлекеттік телерадио хабарларын тарату компаниясы туралы Ереженi бекіту туралы
ҚР Үкіметінің 2010 жылғы 31 наурыздағы № 265 Қаулысымен күші жойылды
Қазақстан Республикасының Министрлер Кабинетi қаулы етедi: Қазақстан Республикасының Министрлер Кабинетi жанындағы «Қазақстан Мемлекеттік телерадио хабарларын тарату компаниясы туралы осыған қосылған Ереже бекітілсiн.
Қазақстан Республикасының Премьер-министрi
Министрлер Кабинетінің 1993 жылғы 4 мамырдағы № 357 қаулысымен Бекiтiлген
«Қазақстан» Мемлекеттік телерадио хабарларын тарату компаниясы туралы ЕРЕЖЕ
Жалпы ережелер
1. Қазақстан Республикасының Министрлер Кабинетi жанындағы «Қазақстан» Мемлекеттік телерадио хабарларын тарату компаниясы /бұдан әрi «Қазақстан» Мемлекеттік телерадио компаниясы/ Қазақстан Республикасы Президентінің «Қазақстан» Мемлекеттік телерадио хабарларын тарату компаниясын құру туралы» 1992 жылғы қыркүйектiң 18-індегі № 920 Жарлығына сәйкес құрылды және Қазақстан Республикасының мемлекеттік басқаруының орталық органы құқында жұмыс iстейдi. «Қазақстан» Мемлекеттік телерадиокомпаниясы республикалық теледидардың, республикалық радионың, «Қазақтелефильм» студиясының, облыстық және қалалық телерадиокомпанияларының шығармашылық-өндiрiстiк құрылымдарын бiрiктiредi. 2. «Қазақстан» Мемлекеттік телерадиокомпаниясы Қазақстан Республикасының бүкiл аумағында және шетелдерде қажеттi шаруашылық-қаржы операцияларын жүргiзетiн, банк мекемелерiнде өзiнiң есеп айырысу, бюджеттік және валюталық есепшоты бар, сыртқы экономикалық қызметтi заңмен белгiленген тәртiп бойынша жүзеге асыра алатын дербес баланстағы заңды ұйым болып саналады. 3. «Қазақстан» Мемлекеттік телерадиокомпаниясы өз қызметiнде Қазақстан Республикасының заң актілерін, Қазақстан Республикасы Президентінің, Министрлер Кабинетінің шешiмдерiн, осы Ереженi және өз қызметiнiң саласына қатысы бар басқа да нормативтiк актiлердi басшылыққа алып отырады. 4. «Қазақстан» Мемлекеттік телерадиокомпаниясының Қазақстан Республикасының елтаңбасы бейнеленген, қазақ және орыс тiлдерiнде атауы жазылған мөрi, фирмалық белгiсi, эмблемасы болады. 5. «Қазақстан» Мемлекеттік телерадиокомпаниясының орналасқан жерi және заңды мекен-жайы: Алматы қаласы, Желтоқсан көшесi, 175. «Қазақстан» Мемлекеттік телерадиокомпаниясының мiндеттерi 6. «Қазақстан» Мемлекеттік телерадиокомпаниясы: теледидар және радио бағдарламаларын әзiрлейдi, оларды республиканың аумағына және шетелдерге таратады, телерадио бағдарламаларының кәсiби деңгейiнiң жоғары болуын қамтамасыз етедi, бұл бағдарламалардың елдегi әлеуметтiк-экономикалық дамуды жеделдетуге, нарық экономикасының қалыптасуы мен қоғамды демократияландыру процестерiн күшейтуге ықпал етуiне мүмкiндiк туғызады; Қазақстан теледидар мен радио хабарларын жалпы ұлттық құрылым ретiнде дамытудың және оны жүзеге асырудың стратегиясы мен негiзгi бағыттарын қалыптастырады, қалалық, аудандық, облыстық, республикалық және мемлекетаралық телерадио хабарлары ұйымдарының таратушы жүйелерiн дамыту мен пайдалануды, олардың Тәуелсiз Мемлекеттер Достастығына қатысушы республикалардағы және шетелдердегi телерадио органдарымен өзара iс-қимылдарын үйлестiредi; мемлекеттік теледидар мен радио хабарларын, теледидар мен радионы басқару жүйелерiн жетiлдiредi, бағдарламалардың шығармашылық деңгейi мен мазмұндылығын арттырады, Қазақстан Республикасының және басқа мемлекеттердiң халқын республиканың саяси-экономикалық және мәдени өмiріндегі аса маңызды мәселелер жөнiнен хабардар етудi жақсартады; егемендi құқықтық мемлекет ретiнде республиканың мемлекеттік және құқықтық өмiрiн теледидар мен радио хабарлары арқылы терең де жан-жақты көрсетiп отырады, әлеуметтiк-экономикалық даму процестерiн шыншылдық тұрғысынан бейнелейдi, рухани прогресс пен нарық экономикасын қалыптастыруға, демократияландыру мен жариялылыққа, ұлтаралық қатынастардың жарасымдылығына, қазақ тілінiң қолданылу аясын кеңейтуге, Қазақстан халықтарының мәдениетiн дамытуға және ұлттық ерекшелiктердiң сақталуына, республикада және одан тыс жерлерде жалпы адамгершiлiк iзгi қасиеттерге бағдар ұстауға ықпал етедi; теледидар мен радио хабарларын тарату саласында бiртұтас техникалық және технологиялық саясат жүргiзедi, ғылыми-техникалық әлеуеттi дамытып, теледидар мен радио саласында ғылыми-зерттеу жұмыстарын ұйымдастырады; теледидар мен радио хабарларын таратудың материалдық-техникалық базасын дамытудың мемлекеттік бағдарламаларының жобасын жасап, iске асырады; теледидар мен радио хабарларын дамытудың тиiмдi бағыттары бойынша халықаралық ынтымақтастықты үйлестiредi, тиiстi халықаралық және үкiметтiк емес ұйымдарға, халықаралық техникалық комиссиялар мен ұйымдарға өкiлдерiн қатыстыра алады; мемлекеттік теледидар және радио хабарлары органдары қызметiнiң құқықтық қамтамасыз етiлуiн жетiлдiредi. «Қазақстан» Мемлекеттік телерадиокомпаниясының қызметi
Теледидар мен радио бағдарламаларын әзiрлеу және оларды республика аумағы мен шетелдерде тарату саласында 7. Өз ақпаратының шыншыл, жедел және алғашқы болып таратылуы принциптерi бойынша жұмыс iстей отырып, республика аумағында мемлекеттік теледидар мен радио хабарлары ұйымдастырады және теледидар мен радио бағдарламаларын шетелдерге таратады. Теледидар мен радио бағдарламаларының жоғары идеялық көркемдiк деңгейiн қамтамасыз етедi. Егемендi мемлекет ретiнде Қазақстан Республикасы, оның iшкi және сыртқы саясаты, адамдар өмiрi мен қоғамда болып жатқан процестер, олар жөніндегі шетелдiк пiкiрлер, халықаралық оқиғалар мен процестер туралы жан-жақты ақпарат бередi. Қазақстан Республикасының жоғары мемлекеттік өкiмет және басқару органдарының қызметi туралы ресми хабарларды ел iшiнде және шетелдерге таратады, олар қабылдаған шешiмдердi түсiндiредi, бұл шешiмдер бойынша келiп түскен пiкiрлерге талдау жасайды. Теледидар мен радио хабарларының қорына арнап телерадио бағдарламаларын түсiрiп, жазып алады. Материалдардың таралымын анықтайды және көбейтедi. Теледидар мен радио бағдарламаларының, таңдаулы әдеби және музыкалық шығармалар бәйгесiн ұйымдастырады. Белгiленген тәртiппен арнаулы әдебиет және басқа баспа өнiмдерiн шығарады, телерадио мәселелерi бойынша республика iшiнде және халықаралық көрмелер ұйымдастырады. Теледидар мен радио бағдарламаларының перспективалық және жылдық тақырыптық жоспарларын, теледидар мен радио хабарларының қорына арналған жазбаларды, телефильмдер түсiрудiң тақырыптық жоспарларын бекiтедi, телерадио бағдарламаларын қабылдау мен берiлу тәртібін анықтайды. Телефильмдердi өндiрiске өткізу, оларды көбейту жолдарын белгiлейдi. Белгiленген тәртiппен сценарийлер жазу мен телефильмдер шығаруға байланысты шығындардың ережесін әзiрлеп,бекiтедi. Телерадио хабарларының өндiрiсiне байланысты нормативтердi бекiтедi. Заңға сәйкес теледидар мен радио хабарлары үшiн әдебиет пен өнер шығармаларына тапсырыс беру, сатып алу және пайдалану тәртібін белгiлейдi. 8. Қазақстан және шетелдерде өзiнiң бөлiмшелерi мен тiлшiлер пункттерiн ұйымдастырады, тiлшiлердi және басқа мамандарды республика шегiнде және шетелдерге iссапарға жiбередi. 9. Теледидар мен радио қызметкерлерiнiң біліктілік мiнездемелерiн, сондай-ақ тарифтiк санаттарды белгiлеген кезде қойылатын талаптарды бекiтедi /Бұған бiртұтас тарифтiк-біліктілік талаптары қойылатын қызметкерлердiң мiнездемелерi кiрмейдi/. 10. Халықтың рухани ұлттық байлығы мен оның мәдени мұрасының бiр бөлшегi ретiнде теледидар мен радио шығармаларының, телефильм өндiрiсiнiң бiртұтас қорын iрiктеу, қалыптастыру және сақтау жөнiнде мемлекеттік қызметтi жүзеге асырады. 11. Көркемдiк, тарихи және мәдени тұрғыдан ерекше құнды болып саналатын телерадио бағдарламалары мен телефильмдердi iрiктеу тәртібін, ұзақ уақыт сақтау мерзiмi мен шартын заңға сәйкес белгiлейдi. 12. Кадрлармен жүргiзiлетiн жұмыстың негiзгi бағыттарын анықтайды, теледидар мен радиодағы кадр мәселесiнiң жай-күйiне талдау жасайды. Еңбек қатынастарының шарттық-конкурстық жүйесiн пайдалана отырып, кәсiптiк біліктiк деңгейiне қойылатын ортақ талаптар негiзiнде кадрларды iрiктейдi және орналастырады. Теледидар мен радио қызметкерлерiмен даярлауды, қайта даярлауды және біліктілігiн үздiксiз арттыруды ұйымдастырып отырады.
Республикалық байланыс және ақпарат жүйесіндегі бiртұтас мемлекеттік саясатты жүзеге асыру саласында
13. Республикалық, облыстық, қалалық, аудандық мемлекеттік телерадио бағдарламаларының мазмұнын, көлемiн және тарату тәртібін белгiлейдi. 14. «Баспасөз және басқа да бұқаралық ақпарат құралдары туралы» Қазақстан Республикасының Заңына сәйкес телерадио станциялары мен кабель жүйелерiн дамыта отырып, республика аумағында телерадио ұйымдарымен өзара байланыс орнатады, аудио бейне өнiмiнiң ортақ рыногын қалыптастыруға қатысады. Телерадио бағдарламаларын әзiрлейтiн және хабар беретiн ұйымдармен шығармашылық-өндiрiстiк және коммерциялық қарым-қатынасын шартты негiзде, шығармашылық ынтымақтастық және өзара тиiмдi мүдделердi орындау жолымен орнатады. 15. Теледидар және радио хабарлары органдары мен ұйымдарының техникалық, экономикалық, құқықтық және басқа да зерттеулердi тереңдету мен жетiлдiру мақсатында телерадио саласындағы ғылыми-техникалық әлеуеттi, дүниежүзiлiк және отандық практиканың жетiстiктерiн пайдаланады. Мүдделi жақтардың қатысуымен теледидар мен радио хабарлары жөніндегі органдар мен ұйымдардың қызметiне талдау және болжам жасайды. 16. Байланыс министрлігімен бiрлесе отырып, заңда көрсетiлген тәртiппен «Қазақстан» Мемлекеттік телерадио компаниясының бағдарламаларын қабылдау мен таратуға кедергi жасайтын әрекеттердi жою шараларын қолданады. 17. Телерадио бағдарламаларын, ғылыми-әдiстемелiк, құқықтық, ғылыми-техникалық, коммерциялық және басқа ақпараттар алмасу, республикалық қорларды қалыптастыру мәселелерiн шартты негiзде шешу үшiн басқа телерадио органдарымен екiжақты және көпжақты келісім әзiрлейдi және қабылдайды. 18. Республика облыстарындағы телерадио ұйымдары арасында ақпарат алмасуға жәрдемдеседi.
Қазақстан Республикасында бiртұтас техникалық және технологиялық саясат жүргiзу саласында
19. Республиканың байланыс органдарымен бiрлесе отырып мемлекеттік теледидар мен радио хабарлары бағдарламаларын әзiрлеп, таратудың бiртұтас жалпы республикалық желісінiң қызметiн қамтамасыз ететiн техникалық құралдарды ұтымды орналастыруға және тиiмдi дамытуға көмектеседi, теледидар мен радионың хабар беретiн техникалық құралдары мен республикада телерадио хабарлары бағдарламаларын таратып бөлетiн коммутациялық желiлердi қалыптастырып, қай жерге шоғырландыру қажеттiгiн анықтайды. 20. Теледидар мен радио бағдарламаларын қалыптастырудың техникалық базасының құрылысын салу және жаңарту жөніндегі перспективалық және жылдық жоспарларды /болжамдарды/ әзiрлейдi. 21. Республиканың Байланыс министрлігі бөлген техникалық құралдардың тиiмдi пайдаланылуын қамтамасыз етедi. 22. Теледидар, радио және кинотехнологиясы саласындағы техникалық шарттарды, әдiстемелiк нұсқаулар мен басқа да нормативтiк-техникалық құжаттарды әзiрлейдi, оларды келісіп пайдалану шараларын жүзеге асырады. Талап етiлетiн өлшем бiрлiгi мен нақтылығына қол жеткізуге, ғылыми-техникалық прогрестi жетiлдiруге, теледидар мен радио жабдығы жұмысының тиiмдiлiгiн арттыруға, бағдарламалар сапасын жақсартуға бағытталған жұмыстарды метрологиялық қамтамасыз ету шараларын жүзеге асырады. «Қазақстан» Мемлекеттік телерадиокомпаниясының бағдарламаларын әзiрлеп, таратудың сапасына бақылау жасайды. 23. Бюджеттен бөлiнетiн қаржы, соның iшiнде еркiн айналымдағы валюта есебiнен тапсырыстар жасап, телерадиоға қажеттi техниканың, технология мен жабдықтың жаңа түрлерiн алу жөніндегі операцияларды қаржыландырады. Телерадио үшiн жабдық шығаратын кәсiпорындармен, ғылыми-зерттеу ұйымдарымен тiкелей байланыс орнатады. Қажеттi жабдыққа деген сұранымды зерттейдi, бiр орталықтан бөлiнетiн қаржыны, сондай-ақ телерадио хабарлары органдары мен ұйымдарының қаржысын пайдалана отырып, телерадио жабдықтарын өндiретiн қуаттарды дамыту жөнiнде ұсыныстар әзiрлейдi. Ғылыми-зерттеу, тәжiрибе-конструкторлық және технологиялық жұмыстарды орындау жөнiнде шарт жасайды. Теледидар мен радио хабарларына арналған қазiргi талапқа сай техникалық құралдар мен жабдықтар өндiрiсiн үйлестiредi. Телерадио қабылдағыштары өндiрiсiнiң жоспарларын әзiрлеуге қатысады. 24. Телерадио бағдарламаларын таратуды техникалық жағдайларға сәйкестендiру мақсатында салынатын үйлер мен ғимараттар құрылысының техникалық жобаларын белгiленген тәртiпке сай үйлестiредi. Теледидар, радио және кинотехнология жабдықтарына, босалқы бөлшектер мен пайдалану материалдарына деген сұранымды белгiлейдi. Республиканың Министрлер Кабинетi белгiлеген тәртiп бойынша мемлекеттік телерадиокомпаниясының кәсiпорындары мен ұйымдарын алдын-ала жасалатын шартқа сай материалдық-техникалық ресурстармен қамтамасыз етедi. 25. Жабдықтарды, материалдарды, босалқы бөлшектердi сатып алу мен үлгiлi қызмет көрсетудi ұйымдастыруға орай шетелдiк фирмалармен ынтымақтаса жұмыс жүргiзедi. 26. Күрделi құрылысқа бюджеттен бөлiнген қаржы мен құралдарды ұтымды пайдаланады, теледидар мен радионың материалдық-техникалық базасын одан әрi дамытуды қамтамасыз етедi.
Теледидар мен радио хабарларының қызметiн құқықтық қамтамасыз етудi жетiлдiру саласында
27. Қазақстан Республикасында теледидар мен радиохабарын ұйымдастыру мен басқарудың құқықтық негiздерiн әзiрлеуге қатысады. 28. Теледидар мен радиохабарлары туралы теледидар көрермендерi мен радиохабарларын тыңдаушылардың құқықтары мен заң жүзіндегі мүдделерiн қорғау туралы заңдардың орындалуына бақылау жасауға қатысады. Ақпаратты құқықтық жұмыс жүргiзе отырып, телерадио саласындағы заңдылықтың орындалуын және нығайтылуын қамтамасыз етедi. Телерадио қызметiн реттейтiн нормативтiк актiлер бюллетенiн әзiрлеп шығарады. Қазақстан Республикасы мен шетелдерде теледидар мен радио саласындағы заңдарды пайдалану тәжiрибесiн қорытындылайды және оны жетiлдiру жөнiнде ұсыныстар әзiрлеп, Республика Президентi мен Министрлер Кабинетінің қарауына енгiзедi. 29. Құқықтық құралдар арқылы «Қазақстан» Мемлекеттік телерадиокомпаниясының сыртқы экономикалық қызметiн қамтамасыз етедi және белгiленген тәртiп бойынша тиiстi халықаралық-құқықтық ұйымдарда оның мүддесiн қорғайды.
Қазақстан Республикасының теледидар мен радио хабарларын дамытудың басым бағыттары бойынша халықаралық байланыстары саласында
30. Қазақстан Республикасының теледидар мен радио хабарлары саласындағы мемлекеттік сыртқы саясат мәселелерi жөніндегі халықаралық байланыстарын жүзеге асырады, Қазақстан Республикасының халықаралық мiндеттемелерiнiң орындалуын, сыртқы экономикалық байланыстардың кеңейтiлуiн, теледидар мен радио хабарларының экспорттық базасының дамуын қамтамасыз етедi. 31. Қазақстан Республикасының теледидар мен радио хабарлары саласындағы халықаралық және сыртқы экономикалық қызметiне байланысты шараларының жүзеге асырылуын қамтамасыз етедi. Шетелдiк телерадиокомпанияларымен және ұйымдарымен ынтымақтастық туралы келісімдер, хаттамалар және басқа құжаттар әзiрлейдi. Сыртқы экономикалық қызмет саласында шарттар жасайды. 32. Теледидар мен радио хабарлары саласында экспорттық-импорттық, өкiлеттiк-делдалдық және басқа да сыртқы экономикалық қызмет түрлерiн жүзеге асырады.
Мемлекеттік телерадиокомпаниясының құрамына кiретiн бiрлестiктерге, кәсiпорындар мен ұйымдарға шетелдiк фирмалармен байланыс орнатуға көмектеседi
33. Телерадио хабарлары саласында маманданушы шетелдiк ақпарат құралдарымен, ұйымдармен, компаниялармен, корпорациялармен ынтымақтаса жұмыс iстейдi. Теледидар мен радио хабарлары жөніндегі халықаралық ұйымдардың, телерадио хабарлары мәселелерi жөніндегі халықаралық техникалық комиссиялар мен ұйымдардың қызметiне қатысуға байланысты жұмыстарды ұйымдастырады және атқарады. Теледидар мен радио хабарларының отандық және шетелдiк техникалық құралдарын дамыту саласындағы жетiстiктердi, шетелдердегi теледидар мен радио хабарларын ұйымдастырудың озық тәжiрибелерiн зерттейдi және енгiзедi. 34. «Қазақстан» Мемлекеттік телерадиокомпаниясы өзiнiң негiзгi мақсаттары мен мiндеттерiн орындауға, материалдық-техникалық, әлеуметтiк базасын дамытуға және қаржы-экономикалық жағдайын нығайтуға мүмкiндiк беретiн шараларды жүзеге асыра алады, бағдарламаларды радио және бейнежазу таспаларына түсiрiп көбейту, қосалқы шаруашылықпен және қызметтiң басқа да түрлерiмен айналысады.
«Қазақстан» Мемлекеттік телерадиокомпаниясының құқықтары
35. «Қазақстан» Мемлекеттік телерадиокомпаниясы: мемлекеттік органдардан, қоғамдық бiрлестiктерден және лауазымды адамдардан телерадио бағдарламаларын әзiрлеуге қажеттi ақпарат алуға, қызмет бабындағы мiндеттердi атқару үшiн мемлекеттік телерадиокомпаниясының қызметкерлерiне қажет болған жағдайда мемлекеттік органдар мен қоғамдық ұйымдардан көмек /жәрдем/ алуға, елде болып жатқан аса маңызды оқиғалар туралы фильмдер түсiруге, хабарлар жазып алуға және көрермендер мен радиотыңдаушыларды жедел хабардар етудi ұйымдастыру үшiн компания қызметкерлерiн митингiлерге, жиналыстарға, шерулерге, халықтың ойын-тойларға және басқа да бұқаралық шараларға, сондай-ақ табиғи апаттар мен зiлзала болған аудандарға жiберуге құқылы; Қазақстан Республикасының заңдары, Президенттiң жарлықтары, Министрлер Кабинетінің қаулылары мен өкiмдерi негiзiнде және оларды орындау мақсатында мемлекеттік саясатты жүзеге асыруға байланысты мәселелер бойынша нормативтiк актiлер шығаруға құқылы; «Қазақстан» Мемлекеттік телерадиокомпаниясының құзырындағы мәселелер бойынша заңдылықтың сақталуына бақылау жасауға және тексеруге, Қазақстан Республикасының аумағында теледидар мен радио бағдарламаларын әзiрлеу мен тарату мәселелерi бойынша «Қазақстан» Мемлекеттік телерадиокомпаниясы шығарған нормативтiк актiлердiң орындалуы жөнiнде ақпарат алуға және оларға талдау жасауға құқылы; заңда белгiленген тәртiп бойынша телекөрермендер мен радиотыңдаушылардың, басқа да телерадио өнiмдерiн пайдаланушылардың құқықтары мен заңды мүдделерiн қорғау шараларын қолдана алады; телерадио бағдарламаларын таратудың техникалық шарттарынан ауытқыған үйлер мен ғимараттардың құрылысын тоқтату туралы тиiстi органдарға ұсыныстар жiберуге құқылы; «Қазақстан» Мемлекеттік телерадиокомпаниясына бекiтіліп берiлген белгiленген радиотолқындары, хабар тарату және байланыс арналары бар барлық техникалық құралдардың «Қазақстан» телерадиокомпаниясының бағдарламаларын тарату мақсатында жұмыс iстеу /көлемi мен тәртібі/ режимiн анықтауға құқылы; мемлекеттік телерадиокомпаниясының бағдарламаларын таратудан бос уақытта басқа пайдаланушыларға беруге рұқсат ете алады; телерадио ұйымдары мен олардың баспа органдарын құруға және олардың қызметiн тоқтатуға, бұл органдардың бағдарламаларын, жарғыларын /ережелерiн/ бекітуге, оларды қаржыландыруға және материалдық-техникалық жағынан қамтамасыз етуге құқылы; республиканың Байланыс министрлігімен келiсе отырып, халық депутаттарының жергiлiктi Кеңестерiне өз аумақтарында мемлекеттік телерадиокомпания хабарларының таратылу тәртібін өзгерту үшiн рұқсат етуге құқылы; мемлекеттік телерадиокомпаниясының қызметкерлерi мен шетелдердегi өкiлдiктерiнiң санын әртүрлi санаттағы қызметкерлердiң арасалмағын ескермей-ақ өз қалауынша белгiлеуге және құрылымды, штатты бекітуге құқылы; мемлекеттік телерадиокомпанияға бөлiнген қаржы және басқа да түсiмдер есебiнен уақытша шығармашылық ұжымдар, теледидар мен радиохабарларын тарату органдарын дамытуға жәрдемдесетiн ұйымдық құрылымдар құруға құқылы; отандық және шетелдiк мамандарды жұмысқа қабылдауға, олармен шартқа отыруға құқылы; арнайы тапсырма бойынша әзiрленетiн телерадио хабарларының, сондай-ақ көрсетiлетiн қызмет түрiнiң бағасын өзiнiң қалауы бойынша соммен және шетелдiк валютамен белгiлеуге құқылы; белгiленген тәртiп бойынша республикадағы және шетелдердегi фирмалар, ұйымдар, өкiлдiктер, бөлiмшелер, агенттiктер,тiлшiлер пункттерi мен бөлiмшелерiн құруға, қайта құруға және олардың қызметiн тоқтатуға құқылы; теледидар мен радиохабары саласындағы проблемаларға талдау жасауға және олардың ұтымды шешiмдерiн iздестiруге жоғары біліктi мамандар мен сарапшыларды, соның iшiнде шетел өкiлдерiн қатыстыруға құқылы; «Қазақстан» Мемлекеттік телерадиокомпаниясының қызметiне байланысты конкурстар, фестивальдар және басқа да шаралар өткізу үшiн қажеттi қаржы мөлшерiн айқындап бекітуге құқылы; Қазақстан Республикасының министрлiктерi мен мемлекеттік басқарудың басқа да орталық органдары үшiн белгiленген тәртiп бойынша республика Министрлер Кабинетінің қаулылары мен өкiмдерiн алуға құқылы; өзiне жүктелген мiндеттер мен қызметтердi орындау барысында «Қазақстан» Мемлекеттік телерадиокомпаниясы Қазақстан Республикасының мемлекеттік басқарудың орталық органдарына берiлетiн басқа да құқықтарды пайдалана алады; 36. «Қазақстан» Мемлекеттік телерадиокомпаниясының құрамындағы немесе оның мүдделерiне қатысты мәселелердi заңда көзделген жағдайларда мемлекеттік органдар және шаруашылық ұйымдары «Қазақстан» Мемлекеттік телерадиокомпаниясымен келiсе отырып шешедi. «Қазақстан» Мемлекеттік телерадиокомпаниясын басқару
37. «Қазақстан» Мемлекеттік телерадиокомпаниясын Қазақстан Республикасының заңына сәйкес тағайындалған Төраға басқарады. «Қазақстан» Мемлекеттік телерадиокомпаниясы Төрағасының заңда белгiленген тәртiп бойынша тағайындалған орынбасарлары болады. Орынбасарлар арасындағы мiндеттердi «Қазақстан» Мемлекеттік телерадиокомпаниясы белгiлеп бередi. 38. «Қазақстан» Мемлекеттік телерадиокомпаниясының Төрағасы компанияның қызметiне басшылық етедi, оған жүктелген мiндеттер мен қызметтердiң орындалуына тiкелей жауап бередi, Төраға орынбасарларының, құрылымдық бөлiмшелер мен құрылымдық бiрлiктердiң, сондай-ақ компания құрамындағы бiрлестiктер, кәсiпорындар, ұйымдар басшыларының жауапкершiлiгi деңгейiн белгiлейдi. 39. «Қазақстан» Мемлекеттік телерадиокомпаниясында құрамында Төраға, оның орынбасарлары және компанияның басқа да жауапты қызметкерлерi бар коллегия құрылады. Коллегияны «Қазақстан» Мемлекеттік телерадиокомпаниясының Төрағасы басқарады. Коллегия мүшелерiн «Қазақстан» Мемлекеттік телерадиокомпаниясы Төрағасының ұсынуы бойынша Қазақстан Республикасының Министрлер Кабинетi бекiтедi. Коллегия өзiнiң тұрақты өткiзiлетiн мәжілістерiнде «Қазақстан» Мемлекеттік телерадиокомпаниясының қызметiн жетiлдiру мен дамытудың перспективалы және өзектi мәселелерiн талқылайды, құрылымдық бөлiмшелердiң басшыларын қызметке бекiтедi және қызметтен босатады, сондай-ақ әкiмдермен келiсе отырып, облыстық және қалалық телерадиокомпаниялардың төрағаларын бекiтедi және қызметтен босатады. «Қазақстан» Мемлекеттік телерадиокомпаниясының бөлiмшелерi туралы ереженi бекiтедi. Коллегия шешiмдерi әдетте «Қазақстан» Мемлекеттік телерадиокомпаниясы Төрағасының бұйрығы арқылы орындалады. «Қазақстан» Мемлекеттік телерадиокомпаниясының мүлкi және қоры
40. «Қазақстан» Мемлекеттік телерадиокомпаниясының мүлкiне негiзгi қорлар мен айналымдағы қаржы, әуе толқыны арқылы берiлетiн телерадио хабарлары, бағасы компанияның дербес балансында көрсетiлген басқа да құндылықтар,сондай-ақ авторлық құқық нормаларымен қорғалатын интеллектуалдық меншiк жатады. 41. «Қазақстан» Мемлекеттік телерадиокомпаниясы Қазақстан Республикасының қазiргi заңына сәйкес негiзгi және айналымдағы қаржыларды, өз бөлiмшелерiнiң әуе толқыны арқылы хабар тарату уақытын, жер мен табиғи ресурстарды пайдалана алады. «Қазақстан» Мемлекеттік телерадиокомпаниясы республика Байланыс министрлігінiң хабарлар тарататын техникалық құралдарын жалға алады, ал жаңадан iске қосылатын техникалық құралдар оған бiрiншi кезекте жеңiлдiк жағдаймен берiледi. 42. «Қазақстан» Мемлекеттік телерадиокомпаниясы өз қызметiн Қазақстан Республикасы Министрлер Кабинетi тағайындап беретiн бiр сағаттық телерадиохабарларының құнына және бiр жылдық хабар беру мөлшерiне орай республикалық бюджеттен бөлiнетiн қаржы, коммерциялық қызметтен түсетiн кiрiс, телерадио хабарларын басқа мекемелерге, соның iшiнде шетелдiк телерадио ұйымдарына сатудан, эфирлiк уақытты сырт ұйымдарға беруден, оларға көлiк, байланыс, телерадио техникасын, аудармашыларды жалға беру, сондай-ақ заңға қайшы келмейтiн басқа да қызмет түрлерiн коммерциялық негiзде жүзеге асыру есебiнен атқарады. 43. Бюджеттен мына мақсаттар үшiн: республикалық, облыстық, қалалық бөлiмшелердiң хабарларын дайындауға қажеттi, «Қазақтелефильм» студиясының шығыны мен арнайы тапсырысты телерадио бағдарламаларын, телефильмдер мен музыкалық хабарлар дайындауға кететiн шығынды өтеуге қажеттi;
Доступ к документам и консультации
от ведущих специалистов |