| ||||||||||||||||||||
|
|
|
Сапар Байжановтың есімін мәңгі есте қалдыру туралы Қазақстан Белгiлi журналист, жазушы және қоғам қайраткерi, "Социалистiк Қазақстан" газетiнiң бұрынғы редакторы Сапар Байжановтың есiмiн мәңгi есте қалдыру мақсатында Қазақстан Республикасының Үкіметі қаулы етеді: 1. Алматы қаласының әкімі заңдарда белгiленген тәртiппен: 1) Алматы қаласының Мұқан Төлебаев көшесiндегi Сапар Байжанов тұрған 53 үйдiң қабырғасына ескерткiш тақта орнатсын; 2) Алматы қаласы көшелерiнiң бiрiне және Алматы қаласының № 162 қазақ орта мектебiне Сапар Байжановтың есiмiн берсiн. 2. Алматы облысының әкімі заңдарда белгіленген тәртiппен Алматы қаласының "Кеңсай" зиратындағы Сапар Байжановтың қабiрiнiң басына құлпытас орнатсын. 3. Қазақстан Республикасының Мәдениет, ақпарат және қоғамдық келісім министрлігі Сапар Байжановтың "Ала көбеде менi оят" романын бастырып шығаруды жүзеге асырсын. 4. Қазақстан Республикасының Ғылым және жоғары білім министрлігі Әл-Фараби атындағы Қазақ мемлекеттік ұлттық университетiнiң журналистика факультетiнде "Сапар Байжанов дәрiстерi" - "Байжановские чтения" тақырыбымен студенттердiң жыл сайынғы ғылыми конференцияларын ұйымдастыратын болсын. 5. Сапар Байжановтың есiмiн мәңгi есте қалдыру шараларын қаржыландыруды 1999 жылға арналған бюджетте көзделген қаражаттың есебiнен және соның шегiнде тиiстi мемлекеттік мекемелер - бағдарлама әкiмгерлерi жүзеге асырсын. Қазақстан Республикасының Премьер-Министрі
Доступ к документам и консультации
от ведущих специалистов |