Ведомствоаралық комиссия құру туралы Қазақстан Республикасы
Премьер-Министрінің 1998 жылғы 15 қаңтардағы № 12-ө өкімі
1. 1997 жылғы 14 маусымдағы Қазақстан Республикасының газ-көлiгi жүйесi концессиясы шартында мемлекеттiң мүдделерiн қорғау, республиканың жекелеген аймақтарын газбен жабдықтауды жақсарту мақсатында мына құрамда ведомствоаралық комиссия құрылсын:
Б.Ә.Мұхамеджанов - Қазақстан Республикасының Әдiлет
министрi, комиссияның төрағасы
Е.Ә.Өтембаев - Қазақстан Республикасы Стратегиялық
жоспарлау және реформалар жөніндегі
агенттiгiнiң төрағасы - Қазақстан
Республикасының министрi, комиссия
төрағасының орынбасары
А.Ә.Жабағин - Қазақстан Республикасының
Энергетика, индустрия және сауда
министрi, комиссия төрағасының
орынбасары
Н.В.Радостовец - Қазақстан Республикасының
Стратегиялық жоспарлау және
реформалар жөніндегі агенттiнiң
Баға және монополияға қарсы
саясат жөніндегі комитетiнiң
төрағасы
Б.М.Мәдиев - Қазақстан Республикасы Қаржы
министрлігінiң Мемлекеттік
мүлiк және жекешелендiру
департаментi директорының
орынбасары
2. Ведомствоаралық комиссияның төрағасы мен төрағаның орынбасарлары мына шараларды жүзеге асыру үшiн Қазақстан Республикасының мүдделi министрлiктерi мен ведомстволарының мамандарын тарту арқылы жеке жұмыс тобын құрсын.
Б.Ә. Мұхамеджановтың жұмыс тобы Қазақстан Республикасының Бас Прокуратурасы мен Жоғарғы Сотының келісімi бойынша 1997 жылғы 14 маусымдағы Қазақстан Республикасы газ-көлiгi жүйесiнiң концессиясы шартының Қазақстан Республикасының заңдары мен Шарттағы мемлекеттiң мүдделерiн қорғауға сәйкестiгi туралы егжей-тегжейлi қорытынды дайындасын.
Е.Ә. Өтембаевтың жұмыс тобы Қазақстан Республикасы Қаржы министрлігінiң Мемлекеттік мүлiк және жекешелендiру департаментi мен Стратегиялық жоспарлау және реформалар жөніндегі агенттiгi Баға және монополияға қарсы саясат жөніндегі комитетiнiң қатысуымен:
табиғи газды әкелу және тасымалдау кезiнде монополиялық қызметтi шектеу мәселесiн қарасын;
«Трактебель С.А.« компаниясының газды тасымалдауға арналған тарифтi қайта қарау жөніндегі ұсынысын қарасын;
компанияның басқаруына берiлген активтердi пайдалау мәселелерi мен оларды басқарудың әдiстерiн қарасын;
«Трактебель С.А.« компаниясының аммортизациялық қаражатты мақсатты пайдалануына бақылау орнату жөніндегі мәселелердi қарасын.
А.Ә. Жабағиннiң жұмыс тобы:
мемлекеттiң тарапынан концессионерлердi бақылау-реттеу функцияларын қалпына келтiрудiң тәртібін белгiлесiн;
1998 жылғы 12 қаңтарда Қазақстан Республикасының Премьер-Министрiнде өткен мәжілістiң хаттамасына сәйкес «Трактебель» компаниясынан сұратылған материалдарды:
концессия шарты жөніндегі инвестициялық бағдарламаны;
айналма газ құбырының құрылысы жөніндегі техникалық-экономикалық негiздеменi;
бонустың жылдың қорытындысы бойынша Қазақстан Республикасының пайдасына роялти мен мiндеттi төлемдердiң басқа да түрлерi тиесiлi 10 000 000 (он миллион) АҚШ доллары сомасындағы қалған бөлiктерiн төлеудiң кестелерiн;
Алматы қаласына, Жамбыл және Оңтүстiк Қазақстан облыстарына газ берудiң компания кепiлдiк берген көлемдерiн қарасын.
3. Ведомствоаралық комиссиялар 1998 жылдың 1 наурызына дейiн мерзiмде Қазақстан Республикасының Үкіметіне концессионерлердiң қызметтерiнiң нәтижелерiне баға берудi қамтитын, iстелген жұмыстар туралы есеп ұсынсын.
4. Осы өкiмнiң атқарылуына бақылау жасау Қазақстан Республикасы Премьер-Министрінің Кеңсесiне жүктелсiн.
Премьер-Министрi