Электр станцияларының су шаруашылығын, гидроқұрылыстарын және гидромеханикалық жабдықтарын пайдалану кезінде еңбекті қорғау Ережелері Қазақстан Республикасы Энергетика индустрия және сауда министрі 1999 жылғы 26 сәуірдегі№ 104 Бұйрығы (күші жойылды)

Электр станцияларының су шаруашылығын, гидроқұрылыстарын және гидромеханикалық жабдықтарын пайдалану кезінде еңбекті қорғау Ережелері

 Қазақстан Республикасы Энергетика индустрия және сауда министрі 1999 жылғы 26 сәуірдегі№ 104 Бұйрығы

ҚР Индустрия және жаңа технологиялар министрінің 2013 жылғы 16 сәуірдегі № 124 бұйрығымен күші жойылды

Осы Ережелер Қазақстан Республикасының электр энергетикасы саласы электр станцияларының гидротехникалық құрылыстары мен гидромеханикалық жабдықтарын пайдалану кезінде еңбекті қорғау жөніндегі негізгі ережелерді белгілейді.

Ережелер ведомстволық тиесілігі мен меншік нысанына қарамастан жұмыс істеп тұрған және қайта жаңартылып жатқан электр станцияларының гидромеханикалық жабдықтары мен гидромеханикалық құрылыстарын пайдаланумен, жөндеумен және сынаумен айналысатын қызметкерлерге, сондай-ақ жоғарыда аталған энергетика объектілерінің пайдалану жағдайына бақылауды жүзеге асыратын ведомстволық және Мемлекеттік қадағалаудың қызметкерлеріне таратылады.

1-Тарау. Қызметкерлерге қойылатын талаптар

1. Қызметкерлердi оқыту және білімдерiн тексеру тәртібі ГОСТ 12.0.004-90, 34.12.102.89.* және Қазақстан Республикасы Еңбек министрлігінiң алқасы бекiткен «Басшылар мен мамандардың еңбек қорғау жөніндегі білімдерiн тексеру жөніндегі Үлгiлiк ереженің» талаптарына сәйкес болуға тиiс.

Қауiпсiздiк ережелерi бойынша дайындықты және білім тексеруден өткен қызметкерлерге белгiленген біліктілік куәлiгi берiледi, ол жұмыс уақытында оның өзiнде болуы тиiс.

* Нормативтiк құжаттардың тiзбесi 10-қосымшада берiлген.

2. Әрбiр қызметкер өрт қауiпсiздiгi Ережелерiн бiлуi және жұмыс орнында оны орындауға тиiс.