Шығыс Қазақстан облысындағы жер сілкінісінен зардап шеккен экологиялық апат аймақтары мен аудандарда руда базалары мен құрылыс объектілерін дамыту туралы Қазақстан Республикасы Министрлер Кабинетінің 1993 ж. 31 тамыздағы № 762 қаулысы (күші жойылды)

Шығыс Қазақстан облысындағы жер сiлкiнiсiнен зардап шеккен экологиялық
апат аймақтары мен аудандарда руда базалары мен құрылыс объектiлерiн
дамыту туралы Қазақстан Республикасы Министрлер Кабинетінің 1993 ж. 31
тамыздағы № 762 қаулысы

Қазақстан Республикасы Үкіметінің 2005 жылғы 9 ақпандағы № 124 Қаулысымен күші жойылды

Түстi металлургия кәсiпорындарының шикiзат базасын дамыту және жұмыстардың экономикалық тиiмдiлiгiн арттыру, Шығыс Қазақстан облысының құрылыс материалдарына деген қажеттiлiгiн толық қанағаттандыру, сондай-ақ аймақта экологиялық және әлеуметтiк жағдайды жақсарту мақсатында Қазақстан Республикасының Министрлер Кабинетi қаулы етедi:

1. "Өскемен қорғасын-мырыш комбинаты" акционерлік қоғамының өз қаражаттарының және шетел кредиттерiн тарту есебiнен Шығыс Қазақстан облысында жер сiлкiнiсiнен зардап шеккен экологиялық апат аймақтары мен аудандарда рудалық базаның құрылысы, құрылыс индустриясы және денсаулық сақтау жөніндегі инициативасы № 1 қосымшаға сәйкес мақұлдансын.

2. Қазақстан Республикасының Экономика министрлігі, Қаржы министрлігі валюта кредитiн рәсiмдеу жөніндегі құжаттарды сараптаудан өткiзсiн. 150 млн. АҚШ доллары сомасына кредиттiк келісім бойынша өкiмет кепiлдiгiн рәсiмдеу үшiн Қазақстан Республикасының Министрлер Кабинетiне бiр ай мерзiмде кредиттi алу және мерзiмiнде өтеу шарттары жөнiнде қорытынды тапсырсын.

"Өскемен қорғасын-мырыш комбинаты" акционерлік қоғамы Қазақстан Республикасы Қаржы министрлігіне шетел кредиттерiн өтеу жөнiнде тиiстi кепiлдiк тапсырсын.