| ||||||||||||||||||||
|
|
|
Суды кешендi пайдалану мен қорғаудың схемаларын әзiрлеу және ҚР Үкіметінің 2004 жылғы 10 ақпандағы № 159 қаулысымен күші жойылды "Қазақстан Республикасының Су кодексiн күшiне енгізу туралы" Қазақстан Республикасы Жоғарғы Кеңесiнiң 1993 жылғы 31 наурыздағы № 2062 қаулысына сәйкес Қазақстан Республикасының Министрлер Кабинетi қаулы етедi: 1. Суды кешендi пайдалану мен қорғаудың схемаларын әзiрлеу және бекіту тәртібі қосымшаға сәйкес бекітілсiн. 2. Қазақстан Республикасының Министрлер Кабинетi жанындағы Су ресурстары жөніндегі комитет мүдделi министрлiктермен, ведомстволармен және облыстардың әкiмдерiмен бiрлесе отырып Суды кешендi пайдалану мен қорғаудың схемаларын жасау жөніндегі әзiрленетiн схемалар мен әдiстемелiк нұсқауларды келiсу тәртібін үш ай iшiнде әзiрлеп, бекiтетiн болсын. 3. Қазақ ССР Министрлер Советiнiң "Суларды комплекстi пайдалау мен қорғаудың схемаларын әзiрлеу және бекіту тәртібі туралы" 1976 жылғы 30 шiлдедегi № 359 қаулысы /Қазақ ССР ҚЖ., 1976 ж., № 17, 54-бап/ күшiн жойған деп танылсын. Қазақстан Республикасының Премьер-министрi Қазақстан Республикасы Министрлер Кабинетінің 1994 жылғы 19 тамыздағы № 932 қаулысына Қосымша Суды кешендi пайдалану мен қорғаудың схемаларын әзiрлеу және бекіту ТӘРТIБI 1. Халықтың, экономика салаларының суға деген алдағы уақыттағы қажетiн қанағаттандыру үшiн және айналадағы ортаның экологиялық тұрақтылығын қамтамасыз ету үшiн суды сақтаудың негiзгi су шаруашылық және басқа да шараларын белгiлеу мақсатында суды кешендi пайдалану мен қорғаудың бас, бассейндiк аумақтық схемалары, шағын өзендердiң суын қорғаудың схемалары әзiрленедi. Суды кешендi пайдалану мен қорғаудың бас схемалары Қазақстан Республикасының Үкіметі қабылдаған шешiмдер негiзiнде Қазақстан Республикасының су шаруашылығын дамытудың принципi бағыттарын белгiлеу мақсатымен әзiрленедi. Бассейндiк схемалар бас схеманың негiзiнде өзендердiң бассейндiк және басқа да су объектiлерi үшiн әзiрленедi. Аумақтық схемалар бас және бассейндiк схемалардың негiзiнде республика мен облыстардың экономикалық аудандары үшiн әзiрленедi. Шағын өзендердiң суын қорғау схемалары суды кешендi пайдалану мен қорғаудың бассейндiк және аумақтық схемаларында бекітілген ережелер негiзiнде 200 километр қашықтыққа дейiн созылатын өзендер үшiн әзiрленедi. Бассейнiнiң бiр бөлiгi Қазақстан Республикасынан тысқары орналасқан өзендер үшiн суды кешендi пайдалану мен қорғаудың бассейндiк схемалары: егер шектес мемлекетпен бiр мезгiлде бассейн схемасын жасау туралы келісім болса, бассейнге тұтас әзiрленедi. Бұл ретте мұндай схеманы жасау тәртібі әрбiр жеке жағдайда осы келісіммен белгiленедi; егер аталған келісім жоқ болса, Қазақстан Республикасының аумағында ғана әзiрленедi. Шектес мемлекеттiң суға деген қажетi мұндай жағдайда мемлекеттер арасында су бөлу туралы келісіммен белгiленген мөлшерде есепке алынады. 2. Суды кешендi пайдалану мен қорғаудың схемалары мемлекеттік және жергiлiктi маңызы бар схемаларға бөлiнедi. Мемлекеттік маңызы бар схемаларға: суды кешендi пайдалану мен қорғаудың бас схемалары; бассейн екi немесе одан да көп облыстардың аумағында орналасқан болса, сондай-ақ бассейн бiр облыстың аумағында орналасып, бiрақ схемаларда белгiленетiн шаралар басқа облыстарды сумен қамтамасыз ету шарттарын және олардың су жағдайын өзгертетiн реттерде суды кешендi пайдалану мен қорғаудың бассейндiк схемалары; схемаларда белгiленетiн шаралар екi немесе бiрнеше облысты сумен қамтамасыз ету шарттарын және олардың су жағдайын өзгертетiн реттерде суды кешендi пайдалану мен қорғаудың аумақтық схемалары; суы екi және одан да көп облыстардың аумағы бойынша ағатын жағдайда шағын өзендердiң суын қорғау схемалары жатады. Суды кешендi пайдалану мен қорғаудың бұдан басқа бассейндiк және аумақтық схемалары, сондай-ақ шағын өзендердiң суын қорғау схемалары жергiлiктi маңызы бар схемаларға жатқызылады. Суды кешендi пайдалану мен қорғаудың схемаларын әзiрлеудi мемлекеттік су ресурстарын басқару органы қажет болған жағдайда басқа министрлiктер мен ведомстволардың мамандандырылған ұйымдарын қатыстыра отырып жүзеге асырады. 3. Суды кешендi пайдалану мен қорғаудың бас, бассейндiк және аумақтық схемаларында белгiленген шаралар су ағысын реттеу, оны үнемдеп жұмсау, тазартылмаған немесе толық тазартылмаған ағын суды тоқтату және өндiрiс технологиясы мен сумен жабдықтау схемаларын жетiлдiру негiзiнде /сусыз технологиялық процестердi, ауамен суытуды, сумен айналмалы жабдықтауды және басқа техникалық тәсiлдердi қолдану/ суаттардың жайын жақсарту жөнiнде шаралар қолдану жолымен суды неғұрлым тиiмдi және ұтымды пайдалану мен қорғауды қамтамасыз етуге тиiс. Шағын өзендердiң суын қорғау схемаларында белгiленетiн шаралар осы өзендердiң ластануының, былғануы мен сарқылуының алдын алу мен оны жоюды, өзендердiң қолайлы су режимi мен тиiсiнше санитарлық жағдайын сақтау жөніндегі жұмыстың жүзеге асырылуын қамтамасыз етуге, жағалаулардың және су экожүйелерiнiң сақталуы мен қалпына келтiруiне жәрдемдесуге, су пайдалануда басымдықтар белгiлеуге тиiс. 4. Суды кешендi пайдалану мен қорғау схемалары мемлекеттік бюджеттiң қаражаты есебiмен әзiрленедi. Схемаларды әзiрлеудiң перспективалық және жылдық жоспарларын республиканың жекелеген аймақтарындағы су шаруашылығы мен экологиялық жағдайды талдау негiзiнде облыстар әкiмдерiнiң ұсыныстарын ескере отырып мемлекеттік су ресурстарын басқару органы жасайды. 5. Табиғат пен қойнауын қорғау органдары экологиялық сараптама жасағаннан кейiн мемлекеттік су ресурстарын басқару органының ұсынысы бойынша суды кешендi пайдалану мен қорғаудың мемлекеттік маңызы бар схемаларын Қазақстан Республикасының Министрлер Кабинетi бекiтедi, ал жергiлiктi маңызы бар схемаларды облыстардың әкiмдерi бекiтедi. Су шаруашылығы балансы аталған схемалардың құрамды бөлiгi болып табылады және ерекше жағдайларда Қазақстан Республикасы Үкіметінiң шешiмi бойынша тұтынушылар арасында су ресурстарын қайта бөлу мен жаңа өндiрiстiк күштердi орналастыру мүмкiндiгiн табу үшiн бөлек жасалып, бекітіле алады. Бекiтiлген схема су шаруашылығы балансы тұтынушыларға немесе олардың топтарына су лимитiн белгiлеудiң, сондай-ақ схемада қарастырылған аумақта су ресурстарын пайдалану мен қорғау жөніндегі шараларды жоспарлаудың, әзiрлеу мен олардың жүзеге асырудың негiзi болып табылады.
Доступ к документам и консультации
от ведущих специалистов |