Каспий теңізінің Қазақстандық секторында мұнай мен газ беру әлеуетін бағалау жөніндегі халықаралық консорциум бағдарламасын орындау шеңберіндегі Қазақстан Республикасының шекарасынан жүк өткізу тәртібі туралы Қазақстан Республикасы министрлер кабинетінің 28 сәуірдегі 1994 ж. № 441 Қаулысы (күші жойылды)

Каспий теңізінің Қазақстандық секторында мұнай мен газ беру әлеуетін
бағалау жөніндегі халықаралық консорциум бағдарламасын
орындау шеңберіндегі Қазақстан Республикасының шекарасынан
жүк өткізу тәртібі туралы Қазақстан Республикасы министрлер
кабинетінің 28 сәуiрдегі 1994 ж. № 441 Қаулысы

ҚР Үкіметінің 17.11.04 ж. № 1212 қаулысымен күші жойылды

Қазақстан Республикасы Министрлер Кабинетінің "Каспий теңiзiнiң Қазақстандық секторының мұнай мен газ беру әлеуетiн бағалау жөнiнде Халықаралық консорциум құру туралы" 1993 жылғы 3 желтоқсандағы № 1215 қаулысын орындау үшiн және Халықаралық консорциум туралы Келісім бағдарламасын шетел капиталы мен тиiмдiлiгi жоғары шетел техникасын, технологиясын тарта отырып жүзеге асыруды одан әрi жеделдету мақсатында Қазақстан Республикасының Министрлер Кабинетi

Қаулы етедi:

1. Халықаралық консорциумның шетелдiк қатысушыларына, Келісім бағдарламасын орындаумен шұғылданып жатқан олардың шетелдiк мердiгерлерiне Консорциум жұмысы кезеңiнде, оның iшiнде Келісім бағдарламасын орындау кезiнде пайдалануға арналған шығындалатын мүлiктi, сондай-ақ жеке басы үшiн пайдаланатын заттарды кеден бажы, салықтар мен алымдар төлемiнсiз Қазақстан Республикасының қолданылып жүрген Заңдарына сәйкес алып келуге және керi алып кетуге рұқсат етiлсiн.

Халықаралық консорциум қатысушылары Келісім бағдарламасын орындау жөніндегі операцияларда қолданылған жарамды және iстен шыққан мүлiктердi Қазақстан Республикасы Қаржы министрлігінiң рұқсатымен кеден бажы, басқа да салықтар мен алымдар төлемiнсiз Қазақстан Республикасына өтемсiз бере алады немесе сынық ретiнде қалдыра алады. Сондай-ақ Халықаралық консорциум қатысушылары бағдарламаны орындау үшiн пайдаланылған мүлiктердi Қазақстан Республикасы Қаржы министрлігінен тиiстi рұқсат алған және сатып алушы белгiленген тәртiпке сай кеден бажын, басқадай салықтар мен алымдарды төлеген жағдайда Қазақстан Республикасында сата алады.

2. "Қазақстанкаспийшельф" Мемлекеттік компаниясы Қазақстан Республикасының Қаржы министрлігіне Халықаралық консорциумның шетелдiк қатысушылары мен олардың Каспий теңiзiнiң Қазақстандық секторындағы шельфтiк кен орындарын зерделеу мен игеруге қатысты барлық бағдарламаны орындаумен шұғылданып жатқан шетелдiк мердiгерлерi және осы қаулының 1-тармағында көрсетiлген әкелiнетiн және әкетiлетiн мүлiктердiң тiзбесi мен саны жөнiнде барлық қажеттi мәлiметтердi уақтылы беретiн болсын.

Қазақстан Республикасының

Премьер-министрi