«1999 жылға арналған республикалық бюджет туралы» Қазақстан Республикасының Заңына өзгерістер мен толықтырулар енгізу туралы Қазақстан Республикасының Заңы 1999 жылғы 1 сәуір № 359-I

"1999 жылға арналған республикалық бюджет туралы" Қазақстан Республикасының
Заңына өзгерістер мен толықтырулар енгізу туралы
Қазақстан Республикасының Заңы 1999 жылғы 1 сәуір № 359-I

1-бап. 1998 жылғы 19 желтоқсанда "Егемен Қазақстан" және "Казахстанская правда" газеттерінде жарияланған "1999 жылға арналған республикалық бюджет туралы" 1998 жылғы 16 желтоқсандағы Қазақстан Республикасының Заңына мынадай өзгерістер мен толықтырулар енгізілсін:

1. 1-бапта:

бірінші бөліктегі:

"282 188 510" деген сан "247 548 663" деген санмен ауыстырылсын;

"3 116 000" деген сан "40 701 056" деген санмен ауыстырылсын;

"1 601 968" деген сан "1 658 113" деген санмен ауыстырылсын;

"328 085 608" деген сан "338 160 727" деген санмен ауыстырылсын;

"18 484 576" деген сан "18 795 926" деген санмен ауыстырылсын;

"59 663 706" деген сан "67 048 821" деген санмен ауыстырылсын;

"3,1" деген сан "3,7" деген санмен ауыстырылсын.

екінші бөлікте:

"мемлекеттік" деген сөз "үкіметтік" деген сөзбен ауыстырылсын.

2. 2, 3, 4, 5, 6, 7, 20, 22, 24, 25 және 26-баптар алып тасталсын.

3. Мынадай мазмұндағы 2-1, 3-1, 4-1, 5-1 және 6-1-баптармен толықтырылсын:

"2-1-бап. Республикалық бюджетті қалыптастыру "Бюджет жүйесі туралы" Қазақстан Республикасының Заңына сәйкес жүзеге асырылады.

3-1-бап. Республикалық бюджеттің кірістері "Бюджет жүйесі туралы" Қазақстан Республикасының Заңына сәйкес, сондай-ақ мынадай салыққа жатпайтын түсімдер есебінен қалыптасады деп белгіленсін:

тәркіленген, иесіз мүліктерді, мұрагерлік құқығы бойынша мемлекетке өткен мүлікті, көмбелерді, қымбат металдар мен шетел валютасы түріндегі олжаларды сатудан алынатын түсімдер;

"Байқоңыр" кешенін пайдаланғаны үшін жалдау ақысы;

орталық атқарушы органдар қабылдаған шешімдер негізінде мемлекеттік мекемелердің мүлкін сатудан алынатын түсімдер;

Қазақстан Республикасының азаматтарына төлқұжаттар мен жеке куәліктер берілгені үшін алынатын ақы;