Монополияшы кәсіпорындардың қызмет көрсетулеріне бағалар мен тарифтерді мемлекеттік реттеу жөніндегі қосымша шаралар туралы Қазақстан Республикасы Үкіметінің 1999 жылғы 9 сәуірдегі № 400 қаулысы (ҚР Үкіметінің 25.04.01 ж. № 548; 26.03.03 ж. № 297 қаулысымен енгізілген өзгерістерімен)

Монополияшы кәсіпорындардың қызмет көрсетулеріне бағалар мен тарифтерді
мемлекеттік реттеу жөніндегі қосымша шаралар туралы Қазақстан
Республикасы Үкіметінің 1999 жылғы 9 сәуірдегі № 400 қаулысы
(ҚР Үкіметінің 25.04.01 ж. № 548; 26.03.03 ж. № 297
қаулысымен енгізілген өзгерістерімен)

Бұрынғы редакцияны қара

Республиканың ішкі рыноктарындағы жағдайды тұрақтандыру мақсатында және Қазақстан Республикасы Президентінің "Қазақстан Республикасының Үкіметі туралы" 1995 жылғы 18 желтоқсандағы № 2688 конституциялық заң күші бар Жарлығының негізінде Қазақстан Республикасының Үкіметі қаулы етеді:

1. Рыноктарда үстем жағдайға ие және оны бағалар мен тарифтерді негізсіз көтеру үшін пайдаланатын шаруашылық жүргізуші субъектілердің жылу қуатын өндіру және онымен жабдықтау, газбен жабдықтау, электрмен жабдықтау, сумен жабдықтау, кірме темір жолдарды пайдалану бойынша көрсететін қызметтеріне бағаны мемлекеттік реттеу енгізілсін.

ҚР Үкіметінің 25.04.01 ж. № 548; 26.03.03 ж. № 297 (бұр. ред. қара) қаулыларымен 2-тармақ өзгертілді

2. Былай деп белгіленсін:

1) Қазақстан Республикасының аумағында сатылатын тауарлардың (жұмыстардың, қызмет көрсетулердің) бағалары туралы ақпарат тұтынушыларға тек теңгемен берілуі тиіс;

2) Қазақстан Республикасының резиденттері арасында шарттар жасалғанда бағалар тек теңгемен белгіленеді;