«Мемлекеттік аппаратта тәртіпті күшейту жөніндегі шаралар туралы» Қазақстан Республикасы Президентінің 1999 жылғы 3 мамырдағы № 45 Өкімі (күші жойылды)

«Мемлекеттік аппаратта тәртіпті күшейту жөніндегі шаралар туралы»
Қазақстан Республикасы Президентінің 1999 жылғы
3мамырдағы № 45 Өкімі

ҚР Президентінің 2006.09.01. № 1696 Жарлығымен күші жойылды

1. Министрліктер мен өзге де ведомстволық бағынысты органдардың қызметіне бақылауды әлсіреткені және Қазақстан Республикасы Президентінің жекелеген актілері мен тапсырмаларының уақтылы атқарылмауына жеке өздері жол берген бірнеше оқиғалар үшін:

Қазақстан Республикасы Премьер-Министрінің орынбасары - Қаржы министрі О.Ә. Жандосовқа;

Қазақстан Республикасының Энергетика, индустрия және сауда министрі М.Қ. Әблязовқа сөгіс жариялансын.

2. Қазақстан Республикасы Премьер-Министрі Кеңсесінің Басшысы А.А. Тлеубердиннің назары Кеңсе бөлімшелерінің Мемлекет басшысының актілері мен тапсырмаларын уақтылы және егжей-тегжейлі атқаруын бақылауды қамтамасыз ету жөніндегі жұмыстың жетімсіздігіне аудартылсын.