Қазақстан Республикасының Yкіметі мен Америка Құрама Штаттарының Yкіметі арасындағы Қазақстан Республикасы Қорғаныс министрлігінің жанындағы Қару-жарақты қысқартуды және инспекциялық қызметті қамтамасыз етуді бақылау жөніндегі орталық пен Америка Құрама Штаттарының Ядролық қауіпті азайту жөніндегі орталығы арасында қорғалған байланыс желісін құру туралы келісім (Вашингтон қ., 2001 ж. 21 желтоқсан)

Қазақстан Республикасының Yкіметі мен Америка Құрама Штаттарының Yкіметі
арасындағы Қазақстан Республикасы Қорғаныс министрлігінiң жанындағы
Қару-жарақты қысқартуды және инспекциялық қызметтi қамтамасыз етудi
бақылау жөніндегі орталық пен Америка Құрама Штаттарының Ядролық қауiптi
азайту жөніндегі орталығы арасында қорғалған байланыс желісін құру туралы
келісім (Вашингтон қ., 2001 ж. 21 желтоқсан)

Келісім 2003 ж. 15 қарашадағы № 496-ІІ ҚР Заңына сәйкес бекітілді

Төменде Тараптар деп аталатын Қазақстан Республикасының Үкіметі мен Америка Құрама Штаттарының Үкіметі,

олардың мемлекеттерi арасындағы қару-жарақты бақылау жөніндегі және қауiпсiздiктi нығайту жөніндегі келісімдердi жүзеге асыруды қолдау тiлегiн мақұлдай отырып,

тараптар жүзеге асыратын, қару-жарақты бақылау жөніндегі шарттарға сәйкес талап етiлетiн хабарламалар беруге қатысты барлық мiндеттемелердi орындау дүние жүзiнде бейбiтшiлiк пен қауiпсiздiктi нығайту мүддесiне сай келедi деп ұйғара отырып,

Кеңестiк Социалистiк Республикалар Одағы мен Америка Құрама Штаттары арасындағы Ядролық қауiптi азайту жөніндегі орталықтар құру туралы 1987 жылғы 15 қыркүйектегi келісімдi қолдануды қазiргi заман талаптарына сәйкес келтiруге ұмтыла отырып,

төменде СШҚ-I туралы шарт деп аталатын, Кеңестiк Социалистiк Республикалар Одағы мен Америка Құрама Штаттары арасындағы Стратегиялық шабуыл қару-жарағын қысқарту және шектеу туралы 1991 жылғы 31 шiлдедегi шарт бойынша, төменде ОЖҚР туралы шарт деп аталатын, Кеңестiк Социалистiк Республикалар Одағы мен Америка Құрама Штаттары арасындағы Орта және кiшi қашықтықтағы олардың ракеталарын жою туралы 1987 жылғы 8 желтоқсандағы шарт бойынша және Кеңестiк Социалистiк Республикалар Одағы мен Америка Құрама Штаттары арасындағы Стратегиялық шабуыл қару-жарағын қысқарту және шектеу туралы 1992 жылғы 20 мамырдағы шарттың Лиссабон хаттамасындағы өз мiндеттемелерiн қайтадан мақұлдай отырып,

төмендегілер туралы келiстi:

1-бап