Шот-фактуралардың нысандары және оларды қолдану тәртібі туралы Қазақстан Республикасы Мемлекеттік Кіріс министрінің 2000 жылғы 14 шілдедегі № 712 бұйрығы (күші жойылды)

Шот-фактуралардың нысандары және оларды қолдану тәртібі туралы
Қазақстан Республикасы Мемлекеттік Кіріс министрінің 2000
жылғы 14 шілдедегі № 712 бұйрығы

ҚР Мемлекеттік кіріс министрлігінің 2002 жылғы 9 сәуірдегі № 416 бұйрығына сәйкес осы бұйрықтың күші жойылды

1995 жылғы 24 сәуірдегі "Салық және бюджетке төленетін басқа да міндетті төлемдер туралы" Қазақстан Республикасының Заңына сәйкес

Бұйырамын:

1. 1) 1 қосымшаға сәйкес шот-фактура нысаны;

2) 2 қосымшаға сәйкес кәсіпкерлік қызметпен айналысатын және патент негізінде салықтарын төлеуші тұлғалар үшін шот-фактура нысаны;

3) 3 қосымшаға сәйкес қосымша құн салығын есептеу және төлеу үшін шот-фактураларды рәсімдеу және қолдану Ережелері, -

бекітілсін.

2. Әдістеме департаменті (Үсенова Н.Д.):

1) осы бұйрық Қазақстан Республикасының Қаржы министрлігімен және Қазақстан Республикасының статистика жөніндегі агенттігімен келісілсін;

2) осы бұйрық мемлекеттік тіркеуден өткізу үшін Қазақстан Республикасының Әділет министрлігіне жіберілсін;

3. Осы бұйрықтың Қазақстан Республикасының Әділет министрлігінде мемлекеттік тіркелген сәтінен бастап күшіне енеді.

Министр

     Қазақстан Республикасының               Қазақстан Республикасы

         Қаржы Министрі                  Мемлекеттік кіріс Министрінің

     2000 жылғы 31 шілдеде                    2000 жылғы 14 шілде

         келісілді                             № 712 бұйрығына

                                                 3-қосымша

           Қосылған құн салығын есептеу мен төлеу үшiн

            шот-фактураларды ресiмдеу мен пайдалану

                        ережесi

Осы Ереже "Салықтар және бюджетке төленетiн басқа да мiндеттi төлемдер туралы" Қазақстан Республикасы Заңының (бұдан әрi - Заң) 65-бабы 2-тармағына сәйкес әзiрлендi.

                  1. Жалпы ережелер

1. Заңның 65-бабы 4-тармағымен белгiленген жағдайларды қоспағанда, шот-фактура барлық қосылған құн салығын төлеушiлер үшiн мiндеттi құжат болып табылады.