Қазақстан Республикасының Экономика және сауда министрлігі Стандарттау, метрология және сертификаттау жөніндегі комитетінің мәселелері Қазақстан Республикасы Үкіметінің 2000 жылғы 18 қазандағы № 1552 қаулысы (күші жойылды)

Қазақстан Республикасының Экономика және сауда министрлігі
Стандарттау, метрология және сертификаттау жөнiндегі комитетiнiң
мәселелерi Қазақстан Республикасы Үкіметінің 2000 жылғы
18 қазандағы № 1552 қаулысы

ҚР Үкіметінің 02.07.01 ж. № 904 қаулысымен осы қаулының күші жойылды

Қазақстан Республикасының Үкіметі қаулы етеді:

     1. Қоса берiлiп отырған:

1) Қазақстан Республикасы Экономика және сауда министрлігінiң Стандарттау, метрология және сертификаттау жөніндегі комитетi туралы ереже;

2) Қазақстан Республикасы Экономика және сауда министрлігінiң Стандарттау, метрология және сертификаттау жөнiндегі комитетiнiң құрылымы;

3) Қазақстан Республикасы Экономика және сауда министрлігінiң Стандарттау метрология және сертификаттау жөніндегі комитетiнiң қарауындағы ұйымдардың тiзбесi бекітілсiн.

2. Мыналардың:

1) "Қазақстан Республикасының Экономика және сауда министрлігі Стандарттау, метрология және сертификаттау жөнiндегі комитетiнiң мәселелерi туралы" Қазақстан Республикасы Үкіметінiң 2000 жылғы 11 қаңтардағы № 45 қаулысының (Қазақстан Республикасының ПYКЖ-ы, 2000 ж., № 2, 18-құжат);

2) "Қазақстан Республикасының Экономика және сауда министрлігі Стандарттау, метрология және сертификаттау жөнiндегі комитетiнiң кейбір ұйымдары туралы" Қазақстан Республикасы Үкіметінiң 2000 жылғы 9 тамыздағы № 1227 қаулысымен бекітілген Қазақстан Республикасы Үкіметінiң кейбір шешiмдерiне енгізiлетiн өзгерістер мен толықтырулардың 6-тармағының күшi жойылды деп танылсын.

     3. Осы қаулы қол қойылған күнінен бастап күшiне енедi.

     Қазақстан Республикасының

          Премьер-Министрі

                                                 Қазақстан Республикасы

                                                       Yкіметінiң

                                                 2000 жылғы 18 қазандағы

                                                    № 1552 қаулысымен

                                                       бекітілген

                Қазақстан Республикасы Экономика және сауда

          министрлігінiң Стандарттау, метрология және сертификаттау

                         жөніндегі комитетi туралы

                                ЕРЕЖЕ

                             1. Жалпы ережелер

1. Қазақстан Республикасы Экономика және сауда министрлігінiң Стандарттау, метрология және сертификаттау жөніндегі комитетi (бұдан әрi - Комитет) өз құзыретiнiң шегінде арнайы атқарушылық және бақылау-қадағалау функцияларын, сондай-ақ стандарттау, метрология және сертификаттау саласындағы салааралық үйлестiрудi Қазақстан Республикасының заңнамасына сәйкес жүзеге асыратын Қазақстан Республикасы Экономика және сауда министрлігінiң (бұдан әрi - Министрлiк) ведомствосы болып табылады.

Комитеттiң мемлекеттік қадағалау жөніндегі аймақтық бөлiмшелерi болады.

2. Комитет өз қызметiн Қазақстан Республикасының Конституциясына сәйкес және Қазақстан Республикасының заңдарына, Қазақстан Республикасының Президентi мен Үкіметінiң кесiмдерiне, Қазақстан Республикасының халықаралық шарттарына, министрлiк туралы ережеге, өзге де нормативтiк құқықтық кесiмдерге, сондай-ақ осы ережеге сәйкес жүзеге асырады.

3. Комитет мемлекеттік мекеменiң (мемлекеттік орган) ұйымдық-құқықтық нысандағы заңды тұлғасы болып табылады, өзiнiң мемлекеттік тiлдегi атауы жазылған мөрi және мөртаңбалары, белгiленген үлгiдегi бланкiлерi, сондай-ақ заңнамаға сәйкес банктерде шоттары болады.

Комитет азаматтық-құқықтық қатынастарға өз атынан кiруге және егер ол осыған заңнамаға сәйкес уәкiлеттi болса, ол мемлекет атынан азаматтық-құқықтық қатынастардың тарабы болуға құқылы.

4. Комитет өз құзыретіндегі мәселелер бойынша, заңнамада белгiленген тәртiппен, Қазақстан Республикасының барлық аумағында мiндеттi күшi бар бұйрықтармен ресiмделген шешiмдер қабылдайды.

5. Комитеттiң құрылымы мен штат санының лимитiн Қазақстан Республикасының Yкіметі бекiтедi.

     6. Комитеттiң заңды мекен-жайы:

     473000, Астана қаласы, Пушкин көшесi, 166/5.

7. Комитеттiң толық атауы - "Қазақстан Республикасы Экономика және сауда министрлігінiң Стандарттау, метрология және сертификаттау жөніндегі комитеті (Мемстандарт)" мемлекеттік мекемесi.

8. Комитеттiң құрылтайшысы - Қазақстан Республикасының Үкіметі, Комитеттiң құрылтайшылық құжаты - осы Ереже болып табылады.

9. Комитеттiң және оның мемлекеттік қадағалау жөніндегі аумақтық бөлiмшелерiнiң қызметiн қаржыландыру тек республикалық бюджеттен жүзеге асырылады.

Комитетке өзiнiң функциясы болып табылатын мiндеттердi орындау мәнiнде кәсiпкерлiк субъектiлерiмен шарттық қатынастар жасауға тыйым салынады.

Егер Комитетке заңнамалық кесiмдермен кiрiс әкелетiн қызметтi жүзеге асыру құқығы берiлсе, онда мұндай қызметтен алынған кiрiстер республикалық бюджетке жiберiледi.

               2. Комитеттiң негiзгi мiндеттерi, функциялары мен

                                   құқықтары

     10. Комитеттiң негiзгi мiндеттерi:

1) стандарттау, метрология және сертификаттау саласындағы мемлекеттік саясатты қалыптастыруға және iске асыруға қатысу;

2) стандарттау, метрология және сертификаттау саласындағы мемлекеттік органдардың, жеке және заңды тұлғалардың қызметiн үйлестiру;

3) Қазақстан Республикасының стандарттау, сертификаттау мемлекеттік жүйелерiнiң жұмысын жетiлдiру жөніндегі жұмыстарды жүзеге асыру өлшем бiрлiгiн және эталондық базасын қамтамасыз ету;

4) Қазақстан Республикасының негiзгi мемлекеттік стандарттарын әзiрлеудi қамтамасыз ету;

5) стандарттау метрология және сертификаттау саласындағы біліктiлiктi кадрларды дайындауға қатысу;

6) мемлекеттік органдардың қызметiн, жеке және заңды тұлғалардың біліктiлiгi мен кодтау жөніндегі техникалық экономикалық ақпаратын үйлестiру, өнiмдердi тiзiлiмдемелеу;

7) метрология саласындағы iргелi зерттеулердi ұйымдастыру және жүргiзу;

8) стандарттау, метрология және сертификаттау жөніндегі нормативтiк құжаттардың мiндеттi талаптарын сақтауға, өнiм сапасына, өлшем құралының жай-күйi мен қолданылуына, сондай-ақ сертификаттау және сынақ зертханалары, орталықтар бойынша тiркелген органдардың қызметiне мемлекеттік қадағалау жүргiзудi ұйымдастыру;

9) сертификаттау сертификациялық сынаулар жөніндегі жұмыстарды, өлшемдердi орындау әдiстемелерiн әзiрлеудi және аттестациялауды, өлшем құралдарын, олардың үлгiлерiн бекіту мақсатында және бекітілген үлгiге сәйкестiгiн тексерудi және сынауды жүргiзу құқығына мемлекеттік сертификаттау және ұйымдардың өлшем бiрлiгiн қамтамасыз ету жүйелерiнде тiркеу.

11. Комитет өзiне жүктелген мiндеттерге сәйкес және заңнамада белгiленген тәртiппен мынадай функцияларды жүзеге асырады:

1) өз құзыретiнiң мәселелерi бойынша заңнамалық және өзге де нормативтiк құқықтық кесiмдер жобасын әзiрлеуге қатысады және әзiрлейдi;

2) Қазақстан Республикасының заңнамаларына сәйкес стандарттау, метрология және сертификаттау саласындағы мемлекеттік саясатты iске асыруға қатысады, мемлекеттік органдардың, жеке және заңды тұлғалардың стандарттау, метрология және сертификаттау саласындағы қызметiн үйлестiредi;

3) Қазақстан Республикасының заңнамаларына сәйкес және халықаралық тәжiрибенi ескере отырып мемлекеттік стандарттау, өлшем бiрлiгiн қамтамасыз ету, сертификаттау жүйесiн жетiлдiредi және дамытады;

4) мемлекеттік эталондардың шамалар бiрлiгiн құру, бекіту, сақтау және қолдану ережесін белгiлейдi, Қазақстан Республикасының эталондық базасын жетiлдiредi;

5) республикадағы қолдануға рұқсат етiлген шамалар бiрлiгiн белгiлейдi;

6) өлшем құралдарына әдiстерi мен нәтижелерiне жалпы метрологиялық талаптарды анықтайды;

7) стандарттау, метрология және сертификаттау саласында iргелi зерттеулер жүргiзудi ұйымдастырады;

8) стандарттау, метрология және сертификаттау жөніндегі нормативтiк құжаттарды әзiрлеудiң және бекітудiң тәртібін анықтайды, Қазақстан Республикасының негiзгi стандарттарын әзiрлеудi және Қазақстан Республикасының мемлекеттік стандарттарын тиiстi халықаралық және аймақтық стандарттармен үйлестiру жөніндегі жұмыстарды ұйымдастырады;

9) өлшем құралдарын салыстырып тексеру құқығына заңды тұлғалардың метрологиялық қызметтерiн тiркеудi жүргiзедi;

10) сертификаттау мен сертификациялық сынақ бойынша жұмыстарды жүргiзу құқығына заңды тұлғаларды тiркеудi жүргiзедi;

11) сертификаттау бойынша сарапшы-аудиторлар ретiнде мамандарды тiркеудi жүргiзедi;

12) өлшемдердi орындау әдiстемелерiн аттестаттауға, өлшем құралдарын калибрлеуге, өнiмдердi, өндiрiстiк қызмет көрсетулердi және сапа жүйелерiн, сертификациялық сынақтарды сертификаттау құқығына заңды тұлғаларды тiркеу тәртібін белгiлейдi;

13) өз құзыретiнiң шегiнде заңды және жеке тұлғалардың қызметiн лицензиялайды және берiлген лицензиялар мен тiркеу аттестаттарының мемлекеттік тiзiлiмiн жүргiзедi;

14) стандарттау, метрология, сертификаттау, тiркеу сапа жүйесi, мемлекеттік қадағалау мен инспекциялық бақылау саласында мамандарды кәсiптiк даярлау мен қайта даярлау жөнiндегі жұмыстарды үйлестiруге қатысады; көрсетiлген бағыттар бойынша жоғары және арнаулы орта оқу орындарының оқу бағдарламаларын келiседi;

15) саудадағы техникалық кедергiлердi жою мақсатында стандарттау, метрология және сертификаттау саласында халықаралық ғылыми-техникалық ынтымақтастықты жүзеге асырады;

16) стандарттау, метрология және сертификаттау жөніндегі халықаралық және аймақтық ұйымдарда өз құзыретiнiң шегiнде Қазақстан Республикасының атынан өкiлдiк етедi;

17) стандарттау, метрология және сертификаттау жөніндегі нормативтiк құжаттарды тiркеудi белгiленген тәртiппен жүзеге асырады;

     18) Қазақстан Республикасы стандарттарының мемлекеттік қорын,

мемлекетаралық, аймақтық халықаралық және басқа елдердiң ұлттық

стандарттарын қалыптастыру жөніндегі жұмыстарды үйлестiредi;

19) Қазақстан Республикасының мемлекеттік стандарттарын, мемлекетаралық стандарттарды, сондай-ақ стандарттау, метрология және сертификаттау жөніндегі халықаралық ұйымдардың ережелерi мен ұсынымдарын шығаруды, қайта шығаруды және таратуды ұйымдастырады;

20) орталық, жергiлiктi атқарушы органдарды, басқа да ұйымдарды өнiмге және шығарылатын өлшем құралдарына арналған, тiркелген нормативтiк құжаттар туралы, сондай-ақ стандарттау, метрология және сертификаттау саласындағы нормативтiк кесiм талаптарының өзгерістерi туралы хабарлайды;

21) стандарттау, метрология және сертификаттау жөніндегі халықаралық және аймақтық ұйымдарға мүше елдерге Қазақстанның пiкiрi бойынша сауда қатынастарында техникалық кедергiлер келтiруi мүмкiн әзiрленiп жатқан жобалар мен қолданылып жүрген халықаралық және аймақтық нормативтiк құжаттарға түсiндiрмелер (пiкiрлер) жолдайды;

22) өнiм сапасына, өлшем құралдарының жай-күйi мен қолданылуына, стандарттау жөніндегі нормативтiк құжаттардың мiндеттi талаптарының, сертификаттау ережелерiнiң, метрологиялық ережелердiң сақталуына мемлекеттік қадағалауды, сондай-ақ сертификаттау жөніндегі органдар мен сынақ зертханаларының (орталықтарының) қызметiне мемлекеттік бақылауды ұйымдастырады;

23) Қазақстан Республикасының аумағына көптеп шығарылатын немесе топтап әкелiнетiн өлшем құралдарының үлгілерiн бекiтедi;

24) азаматтық және қызметтiк қару-жарақ пен олардың патрондарының мемлекеттік кадастрын әзiрлеу жөніндегі жұмыстарды жүргiзудi, сондай-ақ оны шығаруды және жүргiзудi ұйымдастырады;

25) Қазақстан Республикасының заңнамаларымен өзiне жүктелген басқа да функцияларды жүзеге асырады.

12. Комитет өзiне жүктелген негiзгi мiндеттердi өз құзыретiнiң шегiнде iске асыру және өзiне жүктелген функцияларды жүзеге асыру үшiн заңнамада белгiленген тәртiппен:

1) заңнамалық және өзге де нормативтiк құқықтық кесiмдердiң жобаларын әзiрлеуге және дайындауға қатысуға;

2) стандарттаудың, сертификаттаудың және өлшем бiрлiгiнiң халықаралық, мемлекетаралық және мемлекеттік жүйелерiнiң жұмыс iстеуiн қамтамасыз ету үшiн орталық, жергіліктi атқарушы органдарға және басқа да ұйымдарға ұйымдастыру-әдiстемелiк басшылықты және олардың қызметiн үйлестiрудi жүзеге асыруға қатысуға;

3) шет елдердiң тиiстi ведомстволарымен, халықаралық ұйымдарымен және шет елдердiң заңды тұлғаларымен стандарттау, метрология және сертификаттау мәселелерi жөнiнде халықаралық шарттар жасасуға, келiссөздер жүргізуге және келісімдерге қол қоюға;

4) стандарттау, метрология және сертификаттау жөніндегі нормативтiк құқықтық кесiмдер шығаруға, нұсқау беруге және орындалуы үшiн мiндеттi шешiмдер қабылдауға;

5) өнiм сапасына, өлшем құралдарының жай-күйi мен қолданылуына мемлекеттік қадағалау, сондай-ақ сертификаттау жөніндегі органдардың және сынақ зертханаларының (орталықтарының) қызметiне мемлекеттік бақылауды жүзеге асыру кезiнде меншiк нысандарына қарамастан ұйымдарда болуға және кәсiпкерлiк қызметпен айналысатын шаруашылық субъектiлерiн тексерудi жүзеге асыруға;

6) заңды және жеке тұлғаларға заңнамада белгiленген стандарттау, метрология және сертификаттау жөніндегі нормативтiк құжаттар талаптарының бұзылу фактiлерi анықталған кезде заңды және жеке тұлғаларға заңдарда белгiленген шаралар қолдану жөніндегі шешiмдер қабылдауға;

7) Қазақстан Республикасының Үкіметі белгiлеген тәртiппен сатуға және пайдалануға жарамсыз деп танылған жағдайларда өнiмдер мен тауарларды жою жөніндегі комиссияның жұмысына қатысуға;

8) басқа мемлекеттік органдардың және өзге де ұйымдардың мамандарын, сондай-ақ шетелдiк және жергiлiктi сарапшылар мен мамандарды стандарттау, метрология және сертификаттау саласындағы бiрлескен жұмыстарға тартуға;

9) өлшем құралдарының үлгiлерi бекітілген сертификаттарын, тауардың шығу сертификаттарын беруге;

10) шетелдiк сертификаттарды, тану шарттарын белгiлеуге, сынақ орталықтарын, салыстырып тексеру зертханаларын және Қазақстан Республикасының мемлекеттік сертификаттау жүйесіндегі сертификаттау жөніндегі органдарға тiркеу жүргiзуге;

11) мемлекеттік органдармен және басқа да заңды тұлғалармен бiрлесiп стандарттау, метрология және тiркеу саласындағы нормативтiк құжаттарды әзiрлеу үшiн стандарттау жөніндегі техникалық комитеттердi құруға;

12) республикалық мемлекеттік кәсiпорындармен мемлекеттік басқару органы болуға, оларға қатысты мемлекеттік меншiк құқығы субъектiсiнiң функцияларын жүзеге асыруға;

     13) заңнамада көзделген өзге де құқықтарды жүзеге асыруға құқы бар.

                             3. Комитеттiң мүлкi

     13. Комитеттiң оқшауланған мүлiктi жедел басқару құқығы бар.

Комитеттiң мүлкi өзiне мемлекет берген мүлiктiң есебiнен қалыптасады және құны Комитеттiң меңгерiмiнде көрсетiлетiн, мүлiктiң негiзгi және өзге де қорларынан тұрады.

     14. Комитетке бекітіп берiлген мүлiк республикалық меншiкке жатады.

15. Комитеттiң өзiне бекітілiп берiлген мүлiктi өз бетiнше иелiктен шығаруға немесе өзге де тәсiлмен билiк етуге құқығы жоқ.

Комитетке заңнамада белгiленген жағдайларда және шектерде мүлiкке билiк ету құқығы берiлуi мүмкiн.

                       4. Комитеттiң қызметiн ұйымдастыру

16. Комитеттi Қазақстан Республикасы Экономика және сауда министрiнiң ұсынуы бойынша Қазақстан Республикасының Үкіметі қызметке тағайындайтын және қызметтен босататын Төраға басқарады.

Төраға бiр мезгiлде Қазақстан Республикасының стандарттары мен өлшем құралдарын қадағалау жөніндегі Бас мемлекеттік инспекторы болып табылады.

17. Төраға Комитеттiң жұмысын ұйымдастырады және оған басшылық жасайды және Комитетке жүктелген мiндеттердiң орындалуы мен оның өз функцияларын жүзеге асыруы үшiн жеке жауапкершiлiкте болады.

     18. Төраға осы мақсатта:

1) Комитеттiң құрылымдық бөлiмшелерiнiң және оның стандарттар мен өлшем құралдарын мемлекеттік қадағалау жөнiндегі аумақтық бөлiмшелерiнiң, өзiне ведомстволық бағыныстағы ұйымдар басшыларының функциялық мiндеттерi мен өкiлеттiгiн айқындайды;

2) заңнамаға сәйкес Комитет аппаратының қызметкерлерiн, стандарттар мен өлшем құралдарын мемлекеттік қадағалау жөніндегі аумақтық бөлiмшелерiнiң, ведомстволық бағыныстағы ұйымдардың басшыларын қызметке тағайындайды және қызметтен босатады;

3) заңнамада белгiленген тәртiппен Комитеттiң қызметкерлерiн, стандарттар мен өлшем құралдарын мемлекеттік қадағалау жөніндегі аумақтық бөлiмшелерiнiң, ведомстволық бағыныстағы ұйымдардың басшыларын марапаттайды, сондай-ақ оларға тәртiптiк жаза қолданады;

     4) Комитеттiң бұйрықтарына қол қояды;

5) Комитеттiң құрылымдық бөлiмшелерi, стандарттар мен өлшем құралдарын мемлекеттік қадағалау жөніндегі аумақтық бөлiмшелер туралы ережелердi, өзiне ведомстволық бағыныстағы ұйымдардың Жарғыларын (Ережелерiн) бекiтедi;

6) мемлекеттік мекемелерде және өзге де ұйымдарда Комитеттiң атынан өкiлеттiк етедi;

7) құрылымдық бөлiмшелердiң, стандарттар мен өлшем құралдарын мемлекеттік қадағалау жөніндегі аумақтық бөлiмшелерiнiң және өзiне ведомстволық бағыныстағы ұйымдардың қызметiн үйлестiредi және бақылайды;

     8) заңнамаға сәйкес өзге де өкiлеттiктердi жүзеге асырады.

19. Комитет жанынан санын және жеке құрамын Комитеттiң төрағасы бекiткен консультативтiк-кеңес органы-алқа құрыла алады. Алқаның құрамына Комитет аппаратының қызметкерлерi мен ведомстволық бағыныстағы мемлекеттік ұйымдардың басшылары кiре алады.

                  5. Комитеттi қайта ұйымдастыру және тарату

20. Комитеттi қайта ұйымдастыру және тарату Қазақстан Республикасының заңнамасында белгiленген тәртiппен жүзеге асырылады.

                                                 Қазақстан Республикасы

                                                       Yкіметінiң

                                                 2000 жылғы 18 қазандағы

                                                    № 1552 қаулысымен

                                                       бекітілген

          Қазақстан Республикасының Экономика және сауда министрлігі

            Стандарттау, метрология және сертификаттау жөніндегі

                             комитетiнiң құрылымы

Басшылық

Стандарттау, метрология мен сертификаттау басқармасы

Аккредиттеу және сапа жүйелерi бөлiмi

Қаржы, кадр жұмысы және халықаралық ынтымақтастық бөлiмi

                                                 Қазақстан Республикасы

                                                       Yкіметінiң

                                                 2000 жылғы 18 қазандағы

                                                    № 1552 қаулысымен

                                                       бекітілген

          Қазақстан Республикасының Экономика және сауда министрлігі

             Стандарттау, метрология және сертификаттау жөніндегі

                  комитетiнiң қарауындағы ұйымдардың тiзбесi

     -------------------------------------------------------------

      Р/с !     Кәсiпорын атауы       !      Орналасқан жерi

       N  !                           !

     -------------------------------------------------------------

       1.   "Қазақстан метрология            Астана қаласы

            институты (ҚазМетрИн)"

            шаруашылық жүргізу

            құқындағы республикалық

            мемлекеттік кәсiпорны

       2.   "Қазақстан стандарттау           Астана қаласы

            мен сертификаттау

            институты (ҚазСтИн)"

            шаруашылық жүргiзу

            құқындағы республикалық

            мемлекеттік кәсiпорны