Қазақстан Республикасының Үкіметі мен Эстон Республикасы Үкіметінің арасындағы темір жол көлігі саласындағы ынтымақтастық туралы келісім (Алматы қ., 2001 ж. 26 сәуір)

Қазақстан Республикасының Үкіметі мен Эстон Республикасы Үкіметінiң
арасындағы темір жол көлiгi саласындағы ынтымақтастық туралы келісім
(Алматы қ., 2001 ж. 26 сәуір)

Келісім Қазақстан Республикасы Үкіметінің 2002 ж. 1 тамыздағы № 856 қаулысына сәйкес бекітілді

Бұдан әрi Тараптар деп аталатын Қазақстан Республикасының Үкіметі мен Эстон Республикасының Үкіметі,

тең құқылы әрiптестiк пен өзара сыйластық қағидаттарын негiзге ала отырып,

екi мемлекеттің темір жол көлiгi жұмысын үйлестiруге маңызды мән бере отырып,

жүктер мен Жолаушылардың екi мемлекеттiң арасындағы тiкелей халықаралық темір жол қатынасында және олардың аумақтары арқылы транзиттiк тасымалдауды дамытудың ерекше маңыздылығын тани отырып,

төмендегілер туралы келiстi:

1-бап

Осы Келісімде пайдаланылатын терминдер мынадай мағынаны бiлдіредi:

     "Тараптардың құзыреттi органдары":

Қазақстандық тараптан:               - Қазақстан Республикасының

                                       Көлiк және коммуникациялар

                                       министрлігі;

Эстондық тараптан                    - Эстон Республикасының

                                       Көлiк және байланыс

                                       министрлігі.

     "темір жол әкiмшiліктерi":

Қазақстандық тараптан:               - "Қазақстан темір жолы"

                                       республикалық мемлекеттік кәсiпорны;

Эстондық тараптан:                   - Құзыреттi орган уәкiлеттiк

                                       берген темір жол кәсiпкерiнiң

                                       әкiмшiлігi.

Құзыреттi органдар мен темір жол әкiмшiлiктерiнiң атаулары өзгерген жағдайда, Тараптар бұл туралы кідiрiссiз құлақтандырады.

     "қызмет персоналы"              - екi мемлекеттiң темір жол көлiгiнiң

                                       осы Келісімнен туындайтын

                                       мiндеттердi тiкелей орындаушы

                                       қызметкерлерi (лауазымды тұлғалар).

2-бап