Роялтиді табиғи нысанда төлеу туралы Қазақстан Республикасы Үкіметінің 2001 ж. 7 сәуірдегі № 468 қаулысы (ҚР Үкіметінің 25.12.01 ж. № 1690; 10.06.02 ж. № 627 қаулыларымен енгізілген өзгерістерімен)

Роялтиді табиғи нысанда төлеу туралы Қазақстан Республикасы
Үкіметінің 2001 ж. 7 сәуірдегі № 468 қаулысы
(ҚР Үкіметінің 25.12.01 ж. № 1690; 10.06.02 ж. № 627
қаулыларымен енгізілген өзгерістерімен)

Қазақстан Республикасының отандық мұнай өңдеу зауыттарының жүктемесін қамтамасыз ету және мұнай өнiмдерінің iшкi рыногын тұрақтандыру мақсатында сондай-ақ "Өнiмдi табиғи нысанда бөлу туралы келісім-шарттардағы Қазақстан Республикасының роялтилерi мен үлестерiн белгiлеу және оны төлеудiң тәртібін бекіту туралы" Қазақстан Республикасы Yкіметiнiң 1997 жылғы 12 қыркүйектегi № 1329 қаулысына сәйкес Қазақстан Республикасының Үкіметі қаулы етеді:

ҚР Үкіметінің 10.06.02 ж. № 627 қаулысымен 1,2,3-тармақтар өзгертілді

1. Қазақстан Республикасының Энергетика және минералдық ресурстар министрлігі заңнамада белгiленген тәртiппен:

1) қолда бар қуаттардың жұмыс iстеуi мақсатында отандық мұнай өңдеу зауыттарына жеткiзуге жататын шикi мұнайдың көлемiн айқындасын;

2) жер қойнауын пайдалануға арналған келісім-шарттарға қосымша келісімдер жасассын, онда: