Қазақстан Республикасында сақтандыру (қайта сақтандыру) ұйымдарын ерікті тарату ережесін бекіту туралы Қазақстан Республикасының Ұлттық Банкі Басқармасының 2001 жылғы 3 наурыздағы № 55 қаулысы (ҚР Қаржы рыногын ж/е қаржылық ұйымдарды реттеу мен қадағалау ж/гі агенттігінің 19.01.04 ж. № 9 қаулысымен енгізілген өзгерістерімен) (күші жойылды)

Қазақстан Республикасында сақтандыру (қайта сақтандыру) ұйымдарын ерiктi
тарату ережесін бекіту туралы Қазақстан Республикасының Ұлттық Банкi
Басқармасының 2001 жылғы 3 наурыздағы № 55 қаулысы
(ҚР Қаржы рыногын ж/е қаржылық ұйымдарды реттеу мен қадағалау
ж/гі агенттігінің 19.01.04 ж. № 9 қаулысымен енгізілген өзгерістерімен)

ҚР Қаржы нарығын және қаржы ұймдарын реттеу мен қадағалау агенттігі 2007 жылғы 30 наурыздағы № 61 қаулысымен күші жойылды

Бұрынғы редакцияларды қара

Сақтандыру қызметiн реттейтiн нормативтiк құқықтық актiлердi жетiлдiру мақсатында Қазақстан Республикасы Ұлттық Банкінің Басқармасы ҚАУЛЫ ЕТЕДI:

1. Қазақстан Республикасында сақтандыру (қайта сақтандыру) ұйымдарын ерiктi тарату ережесi бекітілсiн және Қазақстан Республикасының Әдiлет министрлігінде мемлекеттік тiркелген күннен бастап он төрт күн өткеннен кейiн күшiне енгiзiлсiн.

2. Банктердi тарату iсiн бақылау басқармасы (Бадырленова Ж.Р.) және Сақтандыруды қадағалау департаментi (Құрманов Ж.Б.) Заң департаментiмен (Шәрiпов С.Б.) бiрлесiп осы қаулыны және Қазақстан Республикасында сақтандыру (қайта сақтандыру) ұйымдарын ерiктi тарату ережесін Қазақстан Республикасының Әдiлет министрлігінде мемлекеттік тіркеуден өткізу шараларын қабылдасын.

3. Банктердi тарату ісін бақылау басқармасы (Бадырленова Ж.Р.) осы қаулы және Қазақстан Республикасында сақтандыру (қайта сақтандыру) ұйымдарын ерiктi тарату ережесi Қазақстан Республикасының Әдiлет министрлігінде мемлекеттік тiркеуден өткiзiлген күннен бастап он күннiң iшiнде Қазақстан Республикасы Ұлттық Банкінің аумақтық филиалдарына жiберсiн.

4. Қазақстан Республикасы Ұлттық Банкiнің аумақтық филиалдары Банктердi тарату ісін бақылау басқармасынан осы қаулыны және Қазақстан Республикасында сақтандыру (қайта сақтандыру) ұйымдарын ерiктi тарату ережесін алған күннен бастап төрт күннен аспайтын мерзiмде сақтандыру (қайта сақтандыру) ұйымдарына жiберсiн.

5. Осы қаулының орындалуын бақылау Қазақстан Республикасының Ұлттық Банкi Төрағасының орынбасары К.А.Колпаковқа жүктелсiн.