Қазақстан Республикасы Министрлер Кабинетінің 1993 жылғы 12 қазандағы № 1011 қаулысына толықтыру енгізу туралы Қазақстан Республикасы Үкіметінің 2001 жылғы 15 мамырдағы № 642 қаулысы (күші жойылды)

Қазақстан Республикасы Министрлер Кабинетінің 1993 жылғы 12 қазандағы
№ 1011 қаулысына толықтыру енгізу туралы Қазақстан
Республикасы Үкіметінің 2001 жылғы 15 мамырдағы № 642 қаулысы

ҚР Үкіметінің 2006.17.04. № 289 Қаулысымен күші жойылды

Уран концентратын өндіруді және қайта өңдеуді жүзеге асыратын «Қазатомөнеркәсіп» ұлттық атом компаниясы» жабық акционерлік қоғамының (бұдан әрі - «Қазатомөнеркәсіп» ҰАК» ЖАҚ) филиалдарындағы өндірістерді кәсіби кадрлармен қамтамасыз ету мақсатында Қазақстан Республикасының Үкіметі қаулы етеді:

1. «Қазақстан Республикасының әскерге шақыру жасындағы, бірақ әскери қызметке шақырудан кейінге қалдырылатын санаттағы азаматтарының тізбесі туралы» Қазақстан Республикасы Министрлер Кабинетінің 1993 жылғы 12 қазандағы № 1011 қаулысына (Қазақстан Республикасының ПҮКЖ-ы, 1993 ж., № 41, 480-құжат) мынадай толықтыру енгізілсін:

Көрсетілген қаулымен бекітілген Қазақстан Республикасының мерзімдік әскери қызметке шақырудан кейінге қалдырылатын санаттағы азаматтарының тізбесі мынадай мазмұндағы 10-тармақпен толықтырылсын:

"10. "Қазатомөнеркәсіп" ұлттық атом компаниясы" жабық акционерлік қоғамының филиалдарында жұмыс істейтін әскерге шақырылатындар - оларда:

аппаратшы (барлық атаудағы);

оператор (барлық атаудағы);

машинист (барлық атаудағы);

бақылау-өлшеу аспаптары мен автоматика бойынша слесарь;

слесарь-жөндеуші;

каротажды станциялар моторшысы;

геофизикалық аппаратура реттеушісі;

электр жабдықтарын жөндеу жөніндегі электр монтері;

жабдық жөндеу жөніндегі электр слесары;

электргаз дәнекерлеушісі;

механик;

электр механигі;

технолог;

геотехнолог;

инженер-механик;

инженер-геолог;

инженер-гидрогеолог;

инженер-геофизик мамандығы бойынша жұмыс істейтін кезеңге".

2. Осы қаулы қол қойылған күнінен бастап күшіне енеді.

Қазақстан Республикасының

Премьер-Министрі