Бағалы қағаздар ұстаушылардың тізілімін жүргізу жөніндегі қызмет көрсету туралы шарт бұзылған (қолданылуы тоқтатылған) жағдайдағы тіркелушілердің іс-әрекеттері туралы Қазақстан Республикасы Бағалы қағаздар жөніндегі Ұлттық комиссиясы Директоратының 2001 жылғы 28 мамырдағы № 835 қаулысы (күші жойылды)

Бағалы қағаздар ұстаушылардың тізілімін жүргізу жөніндегі қызмет көрсету
туралы шарт бұзылған (қолданылуы тоқтатылған) жағдайдағы тіркелушілердің
іс-әрекеттері туралы Қазақстан Республикасы Бағалы қағаздар жөніндегі
Ұлттық комиссиясы Директоратының 2001 жылғы 28 мамырдағы № 835
қаулысы

ҚР ҚҚА Басқармасының 2004.13.10. № 276 қаулысымен күші жойылды

Бағалы қағаздар рыногындағы инвесторлардың құқықтарын және заңмен қорғалатын мүдделерiн қорғау мақсатында, Қазақстан Республикасы Президентінің 1997 жылғы 13 қарашадағы № 3755 жарлығымен бекітілген Қазақстан Республикасының Бағалы қағаздар жөніндегі ұлттық комиссиясы туралы ереженiң 4-тармағының 17), 23) және 36) тармақшаларына сәйкес Қазақстан Республикасы Бағалы қағаздар жөніндегі ұлттық комиссиясының (бұдан әрi "Ұлттық комиссия" деп аталады) Директораты ҚАУЛЫ ЕТЕДI:

1. Осы Қаулыда пайдаланылған ұғымдар мынаны бiлдiретiндiгi белгіленсiн:

1) "Iшкi ережелер" - акционерлік қоғамның "Акционерлік қоғамдар туралы" Қазақстан Республикасының 1998 жылғы 10 шiлдедегі заңының 35-бабы 2-тармағының негізiнде өз акцияларын ұстаушылардың тiзiлiмiн дербес жүргiзуге құқылы болатын, оның акцияларын ұстаушылардың тiзiлiмiн қалыптастыру, жүргізу және сақтау тәртібін айқындайтын нормативтiк актiсi;

2) "Шарт" - бағалы қағаздар ұстаушылардың тiзiлiмiн жүргізу жөніндегі қызмет көрсету туралы шарт;

3) "тiркеушi" - Ұлттық комиссияның тиiстi лицензиясының негізiнде бағалы қағаздар ұстаушылардың тiзiлiмiн жүргiзу жөніндегі қызметтi жүзеге асыратын ұйым;

4) "Бағалы қағаздар" - ұстаушыларының тiзiлiмiн Шартқа сәйкес тiркеушi жүргiзiп отырған немесе жүргізген бағалы қағаздар;

5) "Бағалы қағаздардың эмитентi ("эмитент") - Шарттың тарабы болып табылатын немесе табылмайтын Бағалы қағаздар эмитентi.