Қазақстан Республикасы Қаржы министрлігінің 2000 жылғы 17 қарашадағы № 487 бұйрығына өзгерістер енгізу туралы Қазақстан Республикасының Қаржы министрінің 2001 жылғы 20 шілдедегі № 355 бұйрығы (күші жойылды)

Қазақстан Республикасы Қаржы министрлігінің 2000 жылғы 17 қарашадағы
№ 487 бұйрығына өзгерістер енгізу туралы Қазақстан
Республикасының Қаржы министрінің 2001 жылғы 20 шілдедегі №
355 бұйрығы

ҚР Қаржы министрінің 2008.15.04. №179 бұйрығымен күші жойылды

Бұйырамын:

1. "Қазақстан Республикасы бюджеті шығыстарының экономикалық сыныптамасы ерекшелігінің құрылымын бекіту туралы" Қазақстан Республикасы Қаржы министрлігінің 2000 жылғы 17 қарашадағы № 487 бұйрығына мынадай өзгерістер енгізілсін:

көрсетілген бұйрықпен бекітілген Қазақстан Республикасы бюджеті шығыстарының экономикалық сыныптамасы ерекшелігінің құрылымында:

111 ерекшелік бойынша:

"Шығыстар тізімі" бағаны мынадай редакцияда жазылсын:

"Депутаттардың, саяси және әкімшілік мемлекеттік қызметшілердің, судьялардың, алыс және таяу шет елдердегі Қазақстан Республикасының Төтенше және Өкілетті Елшілерінің, Қазақстан Республикасы Сыртқы істер министрлігінің шет елдердегі мекемелері қызметкерлерінің, прокурорлардың, прокуратура органдары, Қаржы полициясы агенттігі, Кеден органдары, Құқық қорғау органдары, Мемлекеттік өртке қарсы қызмет қызметкерлерінің, әскери қызметшілердің, оның ішінде мерзімді әскери қызмет әскери қызметшілерінің негізгі жалақысы:

лауазымдық қызметақылар;

әскери атақтар бойынша жалақылар;

арнаулы атаққа қосымша ақы;

сыныптық шен үшін қосымша ақы;

әскери қызметшілерге, құқық қорғау органдары мен мемлекеттік өртке қарсы күрес қызметі қызметкерлеріне қызмет өткерудің ерекше жағдайлары үшін үстемақылар;

экологиялық апат аймақтарында тұрғаны үшін үстемеақы;

демалысқа ақы төлеу, қызметкер жұмыстан босаған кезде пайдаланылмаған демалысы үшін өтемақы;

2000 жылдың 1 қаңтарынан бастап еңбек ақы төлеу шарттарының өзгеруіне байланысты мемлекеттік қызметшілерге еңбек ақыдағы айырманы төлеу;

"Қазақстан Республикасындағы еңбек туралы" Қазақстан Республикасының Заңына сәйкес белгіленген қосымша ақылар;