«Бюджет жүйесі туралы» Қазақстан Республикасының Заңына өзгерістер мен толықтырулар енгізу туралы» Қазақстан Республикасы Заңының жобасы туралы Қазақстан Республикасы Үкіметінің қаулысы 2001 жылғы 20 қыркүйек № 1219

"Бюджет жүйесi туралы" Қазақстан Республикасының Заңына өзгерістер
мен толықтырулар енгізу туралы" Қазақстан Республикасы
Заңының жобасы туралы Қазақстан Республикасы Үкіметінің қаулысы
2001 жылғы 20 қыркүйек № 1219

Қазақстан Республикасының Үкіметі қаулы етеді:

"Бюджет жүйесi туралы" Қазақстан Республикасының Заңына өзгерістер мен толықтырулар енгізу туралы" Қазақстан Республикасы Заңының жобасы Қазақстан Республикасының Парламенті Мәжілісінің қарауына енгізілсін.

Қазақстан Республикасының

Премьер-Министрі

                          "Бюджет жүйесi туралы"

                     Қазақстан Республикасының Заңына

                өзгерістер мен толықтырулар енгізу туралы

1-бап. "Бюджет жүйесi туралы" Қазақстан Республикасының 1999 жылғы 1 сәуірдегі Заңына (Қазақстан Республикасы Парламентiнiң Жаршысы, 1999 ж., № 7, 225-құжат; № 20, 731-құжат; № 21, 783-құжат; № 23, 916, 928, 930-құжаттар; 2000 ж., № 21, 395-құжат; 2001 ж., № 1, 6-құжат; 2001 жылғы 5 мамырда "Егемен Қазақстан" және 2001 жылғы 8 мамырда "Казахстанская правда" газеттерiнде жарияланған "Қазақстан Республикасының кейбір заң актілеріне Қазақстан Республикасы Ұлттық қорының жұмыс iстеу мәселелерi бойынша толықтырулар енгізу туралы" Қазақстан Республикасының 2001 жылғы 3 мамырдағы Заңы) мынадай өзгерістер мен толықтырулар енгiзiлсiн:

     1) 1-бапта:

     алтыншы абзац мынадай редакцияда жазылсын:

"бюджеттік өтiнiм - Қазақстан Республикасының Қаржы министрлігі белгiлеген құрамда және нысандар бойынша бюджеттi әзiрлеу кезiнде бюджеттік бағдарламаны негіздеу және оны қаржыландыру сомасын анықтау үшiн бюджеттік бағдарламалардың әкiмшiсi ұсынатын құжаттардың жиынтығы;";

     он бiрiншi абзац мынадай редакцияда жазылсын:

"бюджеттік бағдарлама және кiшi бағдарлама - бюджеттен қаржыландырылатын, мемлекеттік басқару функцияларын және мемлекеттік саясатты iске асыру жөніндегі iс-шаралар кешенi;";

     мынадай мазмұндағы он үшiншi абзацпен толықтырылсын:

"несиелердi қайтару - бұрын бюджеттен берiлген несиелер бойынша негiзгi борышты қайтару сомасы;";