Қазақстан Республикасының кейбір заң актілеріне терроризмге қарсы күрес мәселелері бойынша өзгерістер мен толықтырулар енгізу туралы Қазақстан Республикасының 2002 ж. 19 ақпандағы № 295-ІІ Заңы

Қазақстан Республикасының кейбір заң актілеріне терроризмге қарсы күрес
мәселелері бойынша өзгерістер мен толықтырулар енгізу туралы Қазақстан
Республикасының 2002 ж. 19 ақпандағы № 295-ІІ Заңы

Қазақстан Республикасының мына заң актілеріне өзгерістер мен толықтырулар енгізілсін:

1. 1997 жылғы 16 шілдедегі Қазақстан Республикасының Қылмыстық кодексіне (Қазақстан Республикасы Парламентінің Жаршысы, 1997 ж., № 15-16, 211-құжат; 1998 ж., № 16, 219-құжат; № 17-18, 225-құжат; 1999 ж., № 20, 721-құжат; № 21, 774-құжат; 2000 ж., № 6, 141-құжат; 2001 ж., № 8, 53, 54-құжаттар):

1) 15-баптың 2-тармағындағы "террорлық" деген сөз "террористік" деген сөзбен ауыстырылсын;

2) 164-бапта:

бірінші бөлікте:

"жүз" деген сөз "бір мың" деген сөздермен ауыстырылсын;

"бір айға" деген сөздер "он айға" деген сөздермен ауыстырылсын;

"дәл сол мерзімге" деген сөздер "бес жылға дейінгі мерзімге" деген сөздермен ауыстырылсын;

екінші бөлікте:

"жүзден үш жүз" деген сөздер "бес жүзден үш мың" деген сөздермен ауыстырылсын;

"бір айдан үш айға" деген сөздер "бес айдан бір жылға" деген сөздермен ауыстырылсын;

"дәл сол мерзімге" деген сөздер "екі жылдан алты жылға дейінгі мерзімге" деген сөздермен ауыстырылсын;

3) 167-бап мынадай редакцияда жазылсын:

"167-бап. Қазақстан Республикасы Президентінің өміріне

қастандық жасау

Қазақстан Республикасы Президентінің өміріне оның мемлекеттік қызметін тоқтату не осындай қызметі үшін кек алу мақсатында қастандық жасау, -

он бес жылдан жиырма жылға дейінгі мерзімге бас бостандығынан айыруға не өлім жазасына немесе өмір бойы бас бостандығынан айыруға жазаланады.";

4) 170-бапта:

бірінші бөліктегі "үш жылға" деген сөздер "бес жылға" деген сөздермен ауыстырылсын;

екінші бөліктегі "бес жылға" деген сөздер "жеті жылға" деген сөздермен ауыстырылсын;

5) 233-бап мынадай редакцияда жазылсын:

"233-бап. Терроризм